DEEL 2 Reïnkarnasie - Ja of nee? - Nuweopenbaring

alle mense in die verlossingswerk ingesluit. Vir alle mense het Ek
barmhartigheid verwerf sonder beperking, waarvan hulle nou gebruik kan
maak om hulle doel op aarde te bereik.
My offerdood was ‘n werk van die allergrootste barmhartigheid. Ek het in
volle bewussyn en in vrye wil ‘n lydingsweg op My geneem wat Ek nie
sonder die Goddelike liefdeskrag sou kon verdra nie. Maar die ontsettende
nood van die mensdom het My medelye gewek en alles op My geneem wat
maar moontlik was om hulle te help. Ek weet wel dat die hele
Vergoddeliking van My wese, My verlossingswerk sou bekroon, maar Ek het
dit nie vir die doel gedoen nie, maar slegs uit liefde tot die lydende
geestelike wat van God afgeval het, wat so ver van God af en daarom so
onsalig was.
Die liefde het My so geweldig vervul, dat Ek daaruit krag geput het vir die
werk van barmhartigheid, sodat Ek lydend gesterf het vir die mensdom in
onuitspreeklike liggaamlike pyn. Ek het My lewe aan die kruis gegee vir My
ongelukkige broeders wat eens, net soos Ek, van God uitgegaan het, maar
die weg verlaat het wat hulle eintlike bestemming was. Ek het die saligheid
van God se nabyheid geken en het medelye gehad met die gevalle onsalige
geestelike. Maar Ek het ook die liefde van God tot al Sy skepsele geken en
Ek wou tot Hom terugbring wat hulself vrywillig van Hom verwyder het. My
liefde tot God was alles oorheersend, soos ook die liefde tot almal wat uit
Hom voortgekom het. Alleen vanweë hierdie liefde het God My offer
aangeneem. En My liefde het God om vergewing van die skuld gesmeek,
wat die gevallenes se eie was en nie anders gedelg kon word nie, omdat dit
uit liefdeloosheid bestaan het. Slegs liefde kon daarom die offer bring en so
was dit nie alleen die kruisdood nie, maar die liefde wat deur hierdie dood
bewys is aan die mense wat God nou aanneem as versoening.
Ek het My bloed vergiet vir julle mense en so die versoening tot stand
gebring vir dit wat julle gedoen het. Ek het julle sonde op My geneem en
daarvoor geboet. Maar ook julle mense moet julle deel daartoe bydra. Julle
moet bereid wees om deur My kruisdood verlos te word en julle moet wil,
dat die barmhartigheidswerk ook vir julle gebring word. Julle moet gebruik
maak van die barmhartigheid, deurdat julle My en My verlossingswerk
erken en julself vanuit julle wil by die groep aansluit, vir wie Ek aan die
kruis gesterf het.
Sonder hierdie erkenning en julle wil, is en bly julle met julle sondeskuld
belas en in die boeie van hom wat julle tot ‘n val gebring het. Ek het wel
die werk van verlossing vir julle almal volbring, maar eers julle eie wil maak
dit doeltreffend vir julle, want julle kan nooit teen julle wil verlos word van
‘n sonde wat julle uit vrye wil begaan het nie. Julle moet julle onder die
kruis van Christus plaas, julle moet My erken en My aanroep, julle moet
aan My julle skuld beken en tot My bid dat Ek die skuld vir julle wil dra en
met My bloed uitwis. En terwille van My liefde sal alle skuld dan vir julle
vergewe word. Amen
125