DEEL 2 Reïnkarnasie - Ja of nee? - Nuweopenbaring

Nagmaal
5384 6 May 1952
Geestelike gemeenskap, die verbinding van die geestelike vonk in julself
met die ewige Vader-Gees, kan slegs deur liefde bereik word. Julle kan
seker met My in gedagte deur opregte gebed verkeer, waardeur julle My
roep en Ek nader aan julle kom, maar dit bly ‘n veraf roep solank julle
sonder liefde is; geen opregte verhouding is nog gevestig nie, wat egter
onmiddelik deur dade van liefde sal gebeur. Dan sal julle innig met My
verbind wees, terselfdertyd in hierdie staat sal julle kan nagmaal neem met
My, d.w.s. Ek Self kan die voeding vir julle siele voorsien. Ek kan julle die
brood van die hemel gee, My Woord, wat julle slegs kan hoor as julle My
toelaat om in julle teenwoordig te wees, dus toe julle in gemeenskap met
My gekom het. Gemeenskap(Nagmaal) beteken om My vlees en bloed te
aanvaar. My Woord en sy krag, uit My hand, waarvoor dit absoluut
noodsaaklik is dat die menslike hart lewend met liefde is of My
teenwoordigheid is ondenkbaar. Geen mens sal ooit van My
teenwoordigheid kan praat wie sy liefde nie aan My deur onselfsugtige
naaste liefde bewys nie. Geen mens sal ooit homself met sy ewige Vader
kan verenig wat sy medemens nie as sy broer beskou nie, wat sonder liefde
vir hom is en daarom ook nie die Vader kan liefhê, Wie se kind julle
medemens is.
Julle moet besef dat slegs die liefde die kind met die Vader verenig, dat die
mens slegs die kindverhouding deur liefde ingaan en dat die kind dan die
geskenk van voedsel en drank aan die Vader se tafel ontvang en nooit weer
ontbering sal ly nie. En die mees verrukklike geskenk wat ‘n mens kan
ontvang is My Woord, dit is waarlik verfrisend en versterkend en waar My
Woord gespreek word is My teenwoordigheid bewys, terwyl, alternatiewelik,
My teenwoordigheid sonder die uiting van krag ondenkbaar is. En
aangesien Ek krag en lig Self is openbaar Ek My ook aan mense as lig en
krag, deur teenwoordig te wees in elkeen wie se dade van liefde My
teenwoordigheid in hom toelaat. Maar lig en krag stroom uit My Woord, lig
en krag word benodig deur die siele vir hoër ontwikkeling, dus is die lig en
die krag die voeding wat Ek die siel aanbied wanneer die mens nagmaal
met My neem, wanneer hy as My gas in ‘n hegte verhouding met My ‘n
reaksie op sy liefde vind.
Dit alleen moet begryp word as nagmaal, slegs op hierdie wyse wil Ek dat
die Laaste Avondmaal begryp word waarna Ek julle almal uitnooi, wat Ek
met die Woorde ingestel het: “Neem eet en drink dit is My liggaam en My
bloed.” Julle moet die voeding vir julle siele van My hand neem en dit verg
‘n hegte verhouding met My wat op geen ander manier as deur liefde
verkry kan word nie. Amen
109