Registro missive n. 12 - Istituto Lombardo Accademia di Scienze e ...

319r Potestati Papie.
Supplicationem Georgii de Castronoveto nobis porrectam vobis mittimus presentibus
introclusam; cuius attenta continentia committimus vobis et volumus ut de contentis in
ea diligentem assumatis informationem et an vera sint ibi narrata, maxime quod
tempore captionis Boldrini, de quo in supplicatione ipsa mentio fit, Castrumnovetum
erat et possidebatur per illustrem dominum ducem Sabaudie et an talis captio facta
fuerat ante pacem contractam inter prefatum ducem et nos. Hoc enim dicimus pro
observantia capitulorum et conventionum inter ipsum dominum ducem et nos quia, si
compertum habueritis captionem ipsius Boldrini secutam esse tempore quo prelibatus
dominus dux possidebat Castrumnovetum et ante contractam pacem, volumus et vobis
mandamus pro observantia capitulorum, ut supra, Georgium supplicantem penitus
liberetis a carceribus et in libertate ponatis. Mediolani, primo februarii 1453.
Ser Iacobus.
Cichus.
Copia supplicationis.
Illustrissime princeps, iam diebus octo dum Georgius de Castronoveto Lomeline extra
dominium ducis Sabaudie conduxisset ad vestram civitatem Papie certas tellas, seu
mercantias, vestra datia solvendo et bonificando, de asserto mandato potestatis Papie
et ad assertam instantiam Boldrini, marescalchi in Papia captus et carceratus est quia
petit ipse Boldrinus ducatos lxx quos asserit de talea solvisse dicto Georgio, seu
Bastardo dela Villeta, armorum ductori prefati domini ducis Sabaudie, quia captus fuit
cum guerra et discordia esset inter celsitudinem vestram et prefatum dominum ducem
Sabaudie, licet asserat ipse Boldrinus quod guerra non esset ; et quod per dictum
potestatem quassatum et ad torturam positus est, volendo ut diceret quod guerra non
esset et quod tales denarios habuisset, quod verum non est, cum guerra esset, nec
habuit denarios, imo dictus Bastardus, cuius idem Georgius tunc familiarius erat. Et
preterea in pace inter excelsam dominationem vestram et memoratum dominum
ducem Sabaudie firmata, omnes iniurie et offensiones hinc inde remisse sunt. Cum
igitur maxima iniuria et oppressio ipsi supplicanti facta sit quia conducentes mercantias
non debeant impediri et preterea non debebat quassari, et in ictu guerre, ut supra,
captus esset dictus Boldrinus, et preterea in capitulis pacis facta remissio, nec prefatus
dux nunc habet guerram cum excellentia vestra.
Humiliter parte dicti Georgii benigne dominationi vestre supplicatur 319v ut dicto
potestati expresse mandare dignetur, quatenus statim et libere dictum supplicantem
cum rebus et bonis suis relaxet et de expensis et damnis exinde passis restaurari
faciat, et quia de ictibus curli et distructione persone non possit reffici quod pro bona et
laudabili iustitia totidem ictus dicto Boldrino, qui videat dictus Georgius, dentur, vel ille
qui indebite dari fecit cum non debeant persone ita ex erupto de persona destrui.
1427
Francesco Sforza al luogotenente di Lodi
1453 febbraio 1, Milano.
Francesco Sforza vuole che il luogotenente di Lodi si attenga a quello che si è sempre usato sul
divieto dei travestimenti.
Locumtenenti Laude.
Veduto quello ne haveti scripto del recordo, quale v'è facto de prohibire che neuno se
debbia stravestire, dicemo che nuy non volemo innovare cosa alcuna contral’usato,
imo siamo contenti che ogniuno facia secondo l'usanza, aciò non para se facia tale
inhibitione per paura o sospecto, quale habiamo. Mediolani, primo februarii 1453.
Irius.
Cichus.
1428
Francesco Sforza il luogotenente di Lodi
1453 febbraio 1, Milano.