bekijk - digitale bibliotheek voor de Nederlandse letteren

95
question que de soigneuse education d'un jeusne Prince orphelin du costé paternel,
et de la conduicte, protection et conservation de son domaine, beau et illustre
veritablement, mais chargé et embrouïllé au delà de ce qu'on en sçauroit croire, au
lieu d' 1) appeller à cela toute la sagesse du plus proche parentage, on n'ayt voulu
estudier qu'à en debouter par toutes sortes de machinations l'amour, les soings et
la haute prudence d'une Princesse grandmere, qu'il faudroit y aller recercher jusques
au bont du monde, seulement pour avantager estourdiment une jeusne Princesse,
mere incapable pour son aage de ce fardeau et, en tout cas, gouvernée par peu de
personnes, qui soubs pretexte de ses interests ne visent qu'aux leurs et, en un mot,
ne sont pas dignes d'estre veus ny nommez parmi les gens d'honneur et de probité.
L'intention a esté de pallier ceste iniquité par la faveur inique qu'on pretend avoir
faicte a V.A.E. de l'appeller aux peines de ceste tutele; mais l'ordure des passions
l'a encor emporté icy; l'on n'a peu s'empescher d'affronter V.A. de la mesme main
dont l'on voudroit bien qu'elle creust qu'on l'a honorée. Et enfin par ceste belle
sentence l'on a dit a peu pres, ce que par le passé l'on avoit bien eu l'impudence
d'avancer pour un moyen d'accord - j'ay honte de m'en souvenir - à sçavoir, qu'il
seroit libre à V.A.E. de veoir les comtes du domaine tous les ans. Car pour le reste
du respect et l'autorité de ceste administration, Monseigneur, qui consiste fort
essentiellement en la disposition des charges et emploiz de gens et ministres
capables et affidez, tant en la principauté d'Orange qu'icy et tout ailleurs, V.A. void
comme on l'y traicte, et comme entre trois tuteurs de ceste qualité et proximité l'on
a osé faire une distinction inique, injurieuse, jamais cognue en droict ny prattiquée
en aucun païs Chrestien. Sur toutes ces indignitez donq Madame la Princesse, qui
jusques ores a porté les interests de V.A. aveq une generosité et affection indicible,
a creu ne les pouvoir encor abandonner et, bien informée des nullitez notoires de
ce jugement si descrié, s'en est declarée appellante aveq V.A.E. au Grand Conseil.
C'est faire, Monseigneur, ce que les plus fideles serviteurs de V.A. luy ont deu
conseiller, et comme j'espere que V.A. me continue l'honneur de me tenir de ce
nombre, je ne fay point scrupule d'advouër, que j'ay aidé à la confirmer dans ceste
resolution. L'issue en est dans la main de Dieu, mais à en juger par des circonstances
humaines, il y a lieu de bien esperer et, en tout cas, de ne craindre rien de pire que
ce qui est arrivé. C'est ce que j'ay pris la hardiesse d'en representer de ma main à
V.A.E. pour recognoistre de quelque sorte la grace qu'il luy a pleu me faire en me
tesmoignant de la sienne qu'elle aggrée le peu d'office que j'ay esté capable de
rendre à la Maison en ceste fascheuse occurrence. Je prie Dieu d'en faire naistre
à V.A. dans la sienne tres illustre de plus en plus heureuses et glorieuses, et finis
.... 6 Juin 1651.
5150. Aan graaf Hendrik van Nassau (H.A.)*
Brenger dezes is u beter bekend dan mij. Hij tracht naar uwe gunst, om deel uit te
maken van den magistraat van Hulst, en is zeker, dat de gedeputeerden hem zullen
steunen. A la Haye, ce 8 e Juin 1651.
1) Er staat: d'y
Constantijn Huygens, Briefwisseling. Deel 5: 1649-1663