bekijk - digitale bibliotheek voor de Nederlandse letteren

5540. J. Westerbaen 1)
. (L.B.)
288
Quid inter dominum de Willem, affinem tuum, et vicinum meum Maesium te absente
in Senatu actum sit de collibus Auriacis, retuli ad te nuper, et quam graviter
molesteque ferat Masius, quod consiliarius de Raet 2) horum emptionem apud vos
moliatur. Cum hoc illi indicabam, clam et se inscio hoc fieri, nefas esse clamabat et
jam demum se animadvertere, quod coram Senatu vocatus fuerat, non ut serio cum
ipso agerent, sed tantummodo ut arteriam ipsi explorarent et linguam raderent,
Raediumque haec moliri, ut haberet, qui ipsi magnum malum minitaretur, si illum
non admitteret solijque in parte locaret aliorum collium 3) , quos nuper ab Ordinum
Hollandiae delegatis emerat; nunc dubito, an non de compacto rem gerant, uti in
Velabro olearij 4) . Incidi enim heri in vicinum quendam nostrum, qui se ex Masio ante
dies complures audivisse dicebat, brevi et intra tres quatuorve dies se et cognatum
suum de Raedt futuros collium horum possessores, et hoc ab ipsis agi me inscio,
neque propalandum esse et cavendum, ne ego hoc resciscerem. Si haec vera sunt
- uti vicinus hic noster est vitae famaeque integerrimus - quid restat quam ut, vel
invitus, de Maesijs tandem credam quod ipsis constans tribuit fama, sycophantas
nimirum esse? De altero nihil dixerim inclementer, nisi quod avaritiae ad sorditiem
usque cognatum incusat patruus, et pariter remum ducere dicuntur, et moliri, ut
etiam hic velificetur Athos 5) , ac mutuo mulos scabere. Habet alter arenas, alter
aquas, de caetero securi - dummodo rem faciant aut se facturos putent - quid deceat,
quid dedeceat cordatos et illos, qui mutuam amicitiam colendam ducunt inter vicinos.
Die crastinâ a meridie, nisi molestum aut non integrum tibi erit, ad te ibo, ut quid
nuper te absente in Senatu hac de re actum sit ex te intelligam; nunc rogo, ne
helluonibus istis tanta montium et arenarum offa solis, me submoto, contingat, sed
ut et mei in hoc negotio ratio habeatur 6) , non quod aliquid lucri ex tam sterili penu
ad me redundare queat, sed ne ego hujusmodi vicinos habeam viciniores, neque
Vexet saepe meum Patrobas confinis agellum 7) ,
et ut ovibus nostris excurrendo illi, qui solent, pateant campi..... Ockenb., V Idus (9)
Apr. CIƆIƆCLVII.
5541. J. Westerbaen 8)
. (K.A.)
Uti te, vir nobilissime, inter poetas nostrates semper suspexi, ita etiam nunc non
potui testari hisce versiculis, quo in pretio et honore apud me sit Hugenius,
cujus prudentia monstrat,
Summos posse viros et magna exempla daturos
1) Uitgegeven door J.A. Worp in Tijdschr. voor Nederl. taal- en letterk., VI, 1886, blz. 267.
2) Mr. Gualter de Raat was van 1642 tot 1663 lid van het Hof van Holland; hij woonde op
West-Escamp, het vroegere buiten van Westerbaen.
3) De zin is niet duidelijk.
4) Plaut., Captivi, III, 1, vs. 29.
5) Naar Juven., 10, vs. 174.
6) Westerbaen noemt zich in Ockenburgh ‘ook pachter van syn Hoogheid’, nl. van een stuk
grond in de duinen.
7) Mart., II, 32, vs. 3.
8) Uitgegeven door J.A. Worp, t.a.p., blz. 269. - Met dit briefje zond Westerbaen zeker zijn
lofdicht op de Korenbloemen (vgl. Gedichten, VI, blz. 317) aan Huygens toe.
Constantijn Huygens, Briefwisseling. Deel 5: 1649-1663