bekijk - digitale bibliotheek voor de Nederlandse letteren

530
‘Ayant prié Messieurs les Estats Generaux de recommander nos affaires d'Orange
a Mons. r d'Estrades, et d'en escrire de leur part au Roy, leurs deputez ont esté pour
cet effect cet apresmidy aupres de luy, et il leur a promis de s'y emploier de tout
son pouvoir, et d'en escrire encore par cest ordinaire a Sa Majesté.’
6024. Aan prinses Amalia van Oranje 1)
.
Comme je vis que le Roy, en acceptant ces deux lettres 2) - je n'avoy faict que luy
montrer les deux premieres dans ma main - ne me respondit que bonnement de la
teste et des yeux, comme en attendant, et jugeant bien que j'avoy dessein de parler
d'autres choses, je passay outre, et luy dis que V.A. avoit tant de respect pour S.M.
que je voyoy bien que c'estoit là ce qui l'avoit empeschée de faire mention d'aucune
affaire en pas une de ces lettres; mais que cependant elle n'avoit pas laissé de me
tesmoigner, qu'elle seroit bien aise s'il estoit possible, qu'à ceste occasion j'eusse
l'honneur de rememorer un peu à S.M. l'estat de nos affaires d'Orange, qui estoit
tel, qu'à mesure du temps que Monseigneur le Prince demeuroit exclus de sa maison,
le desordre et les confusions s'y augmentoient miserablement; qu'il en souffroit en
sa justice et en ses domaines. Pour la justice, qu'il estoit arrivé qu'un marchand y
ayant faict battre quelque monoye, dont le tiltre et la valeur intrinsique avoit esté
cavillée, soit avec raison ou à tort, nous figure de proces; toute la somme, montant
à cinq ou six mille livres, avoit esté saisie et confisquée par le commandeur de Gaut,
et ensuitte ces baisses (?) de monoye fracassées et ouvertes par violence, et les
engins et outils emportez hors de la principauté, ou encor à present on menaçoit
de les faire biffer et mettre en pieces, si bien que, la Monoye du Prince estant
demeurée close et hors de fabrique depuis tout ce temps là, les fermiers du revenu
estoyent à la veille d'en venir pretendre un rabait excessif de leur ferme.
Icy le Roy m'interrompit, disant que ceste chose là n'estoit pas nouvelle, mais
qu'il avoit appris, il y avoit desjà quelque temps, que c'estoit que nos gens s'estoyent
meslez de contrefaire ses pieces de cinq sols. Je repliquoy que la chose venant à
estre examinée, S.M. s'en trouveroit mieux informée et à son contentement. Mais
qu'en tout cas, quand il se trouveroit à dire sur la valeur ou la non valeur de nostre
monoye, que c'estoit au Parlement d'Orange que la connoissance en appartenoit,
et qu'il ne falloit point doubter que ce Parlement ne s'y portast avec toute rigueur et
exactitude, n'y ayant personne plus interessée que S.A. leur Maistre dans la
reputation de sa monoye; qu'il estoit permis à tous autres Princes de defendre des
monoyes estrangeres ..... 3) , mais qu'on ne pouvoit pas comprendre par quelle raison
S.A. pouvoit estre empeschée de prendre connoissance du faict de ses propres
subjects, et en suitte violemment troublée au plus incontestible de ses droicts.
Touchant son domaine qu'outre ce que j'avoy à diverses fois remonstré à
1) Dit ‘Extraict’ bevindt zich in het Public Record Office te Londen.
2) Nl. die van de Prinses Douairière; zie No. 6008.
3) Door den afschrijver open gelaten.
Constantijn Huygens, Briefwisseling. Deel 5: 1649-1663