bekijk - digitale bibliotheek voor de Nederlandse letteren

431
l'arrest du Conseil de Sa Majesté qui fust signifié à Son Altesse en la personne d'un
des commis a son peage du Rosne; du despuis voyant que le mois porté par ledict
arrest couroit despuis le jour de laditte signification, et qu'il alloit estre expiré, et qu'a
faute de satisfaire a iceluy l'arrest porte surseance de la levée desdicts droicts et
peage, nous creusmes que nous devions eviter cet inconvenient, et pour ce suject
nous deliberasmes le dixseptiesme de ce mois, que deux de nous, scavoir les Sieurs
de Lubieres et de Sylvius, se transporteroyent auprès de Monsieur de Champigny 1) ,
intendant de justice en Dauphiné, commissaire deputé par l'arrest, qui est a presant
en Provance, pour lui demander un deslai suffisant pour donner connoissance a
Son Altesse de ceste affaire, et reçevoir les ordres necessaires pour nostre conduite,
et pour lui faire entendre que Son Altesse est un Prince pupille, fort esloigné de sa
principauté, et que tous les tiltres concernans son peage sont dans ses archives
en Hollande. En suitte de laquelle desliberation, laquelle fut par nous communiquée
au Parlement et par lui approuvée, lesdicts Sieurs de Lubieres et de Sylvius s'y
estans acheminés, ils firent un comparant par devant mondict Sieur l'intendant a
Pertuis le vingtiesme du courant, duquel nous vous envoyons une coppie, par
laquelle vous verrés que mondit Sieur l'intendant a accordé ledict delay, en ce qu'il
a renvoyé l'affaire a Sa Majesté, pour estre par elle faict droict sur les requisitions
qui luy furent faittes. Et de sa part mondit Sieur l'intendant nous dict qu'il envoyeroit
au Roy le mesme comparant, de sorte, Monsieur, que c'est maintenant a vous a
negocier, qu'il ne se passe rien au prejudice de S.A. et a esviter par vostre adresse
que Sa Majesté n'oblige pas Son Altesse a l'exhibition des tiltres qu'elle a pour
sondit peage, car quoyqu'elle en ayt de très bons, et de très anciens, neantmoins
vous sçavés beaucoup mieux que nous que telles exhibitions ne produisent jamais
rien de bon, et au contraire font souvant beaucoup de mal, veu que l'on peut tousjours
treuver a redire a quelque endroit des actes que l'on produict, d'autant plus qu'il y
a encores une instance pendante au Parlement de Toulouse, pour le regard dudict
peage, ou on a fort taché de traverser Son Altesse en la perception d'icellui. Il ne
vous sera pas assurement difficile d'obtenir de Sa Majesté, qu'elle veuille tirer S.A.
du commun des autres proprietaires du peage, veu qu'elle a eu la bonté d'en user
de mesmes en plusieurs autres rencontres, mais quant il y auroit a cella quelque
difficulté, nous ne doutons pas que vous ne la surmontiés. Nous vous supplions,
Monsieur, très humblement d'informer de ceste affaire Madame la Princesse
Douariere, et Messieurs du Conseil, et de nous vouloir faire scavoir la reception de
nostre despeche, pour que nous ayons moyen de faire voir un jour a Son Altesse
la dilligence et les soins que nous avons apporté a ceste affaire qui est assés
importante, et pour la fin nous vous devons 2) dire, que dans la conversation que
nous avons eüe avec mondit Sieur l'intendant, il nous a faict connoistre que le susdit
arrest n'est intervenu que sur les plaintes que font les marchands qui negocient
dans le royaume, de l'excès, et des abus que les proprietaires des peages ou leurs
commis commetent dans la perception des droicts desdicts peages, lesquels abus
le Roy veut reformer, et que mesmes lesdicts marchands se plaignent aussi bien
du peage de Son Altesse, que des autres, de sorte que
1) Hij heette François Bochard, S. r de Saron Champigny.
2) Het woord is onduidelijk geschreven.
Constantijn Huygens, Briefwisseling. Deel 5: 1649-1663