bekijk - digitale bibliotheek voor de Nederlandse letteren

177
5294. Aan graaf Chr. D. van Dohna 1)
. (K.A.)
Il y a deux jours que j'apprins avec beaucoup d'estonnement et un peu d'indignation,
qu'un certain Meibomius 2) , presentement à Stockholm, se seroit plaint par lettre à
de ses amis icy de ce que pardelà il auroit esté chargé du soupçon de m'avoir escrit
choses calumnieuses touchant la personne de la Reine, et que j'auroy produict
ceste lettre à la cour de Madame la Princesse Douariere. Faussetez si evidentes
et qui m'ont tellement touché, que je n'ay pû m'empescher de vous en tesmoigner
mon ressentiment par ces lignes, que je vous supplie de vouloir faire servir où il
appartient à la defense de deux innocens, qui n'ont jamais eu aucune communication
ensemble. Il est vray, Monsieur, que j'ay veu ce Meibomius precepteur d'un mien
nepveu et des enfans de M. le conseiller Doublet 3) , mais depuis qu'il a quitté cest
employ, je n'ay pas sceu ce qu'il a esté devenu, jusques à ce que par ceste belle
occasion presente l'on m'informe qu'il est en Suede, d'où je puis bien jurer, de n'avoir
jamais receu ni veu aucune lettre de sa main, non plus que d'aucun autre lieu du
monde. Me souvenant du reste, de l'avoir tousjours ouy reputer pour homme d'autant
de probité que de sçavoir, et de qui en suitte j'auroy bien de la peine à presumer la
sottise que je voy qu'on a osé luy imputer, laquelle s'il eust commise envers moy,
il me semble que je me fusse pû aviser de luy en faire sentir mon desplaisir. Mais
Dieu sçait qu'il ne m'en a point donné de subject. Pour ce qui me regarde, Monsieur,
je me souviens qu'entendant parler chez Madame la Princesse de ce qu'il courroit
d'estranges bruicts par la Haye de la Reine de Suede, j'ay avoué aveq plusieurs
autres de les avoir entendus aussi, et mesmes d'en avoir veu l'extraict de quelques
lignes en Aleman, où entre autres il y avoit que la Reine estoit fort perplexe; sur
quoy il fut lors discourru de ce que pourroit signifier ce mot au subject de ce qui se
disoit de S.M. té peu conforme à ceste expression, et en somme tout le monde
exploda(?) si bien cest advis aveq moy, qui l'avoit tousjours mesprisé, qu'il n'en fut
plus parlé depuis, sinon que Madame vostre mere 4) à ceste occasion me fit l'honneur
de me communiquer quelqu'une de vos lettres, Monsieur, contenant un recit assez
ample de la belle maniere dont vous passez le temps à la cour et au service de
ceste merveilleuse Princesse, et du contentement qu'il y a à l'approcher. Ce que
confrontant aveq d'autres lettres assez recentes que de mes amis avoyent eues de
Suede, nous fismes et vismes enfin disparoistre ceste chimere au rayon de tant de
veritez manifestes, et ne sache pas d'en avoir plus ouy parler. Quant à l'extraict
aleman que j'avoy veu, je proteste sincerement, Monsieur, de n'avoir jamais sceu
à qui s'estoit adressée la lettre, dont il sembloit estre tiré. Si je ne me trompe, il fut
dit, que c'estoit d'un Aleman qu'on le tenoit, et comme je ne l'avoy consideré qu'aveq
mespris en main tierce, je fus assez nonchalant pour ne m'en informer pas de plus
près.
1) Zie IV, blz. 45.
2) Waarschijnlijk Marcus Meibom († 1711), die een tijd lang aan het hof van Koningin Christina
van Zweden is geweest, toen bibliothecaris werd te Kopenhagen en daarna docent aan het
gymnasium te Amsterdam. Hij heeft vele philologische werken geschreven en was een
zonderling.
3) Nl. George Rataller Doublet; zie I, blz. 215.
4) Ursula barones van Dohna, geb. gravin van Solms; zie II, blz. 242.
Constantijn Huygens, Briefwisseling. Deel 5: 1649-1663