bekijk - digitale bibliotheek voor de Nederlandse letteren

367
pristes la peine d'y envoyer la lettre de Son Altesse Electorale. Des que je fus de
retour je m'enquis soigneusement de vostre demeure, et le lendemain je ne manquoy
pas d'aller en vostre logis pour vous offrir mes services, mais le malheur voulut pour
moy que vous estiez desja parti pour la cour. Son Altesse Electorale me commande
de vous seconder dans les sollicitations et les affaires qui vous ont amené, si vous
jugez que j'y puisse contribuer quelque chose. C'est ce qui m'oblige, Monsieur, de
vous prier de me faire la grace de m'escrire si vous estimez que mon aide vous soit
necessaire, et s'il faut que je me rende aupres de vous, j'executeray punctuellement
vos ordres. Je serois allé moy mesme vous trouver pour vous assurer que je seray
ravy de contribuer a l'expedition de vos affaires, et pour obeir aux commandements
de Son Altesse Electorale mon maistre, et pour vous tesmoigner en particulier que
j'ay une forte inclination à vous servir, mais comme je scay que vostre addresse ne
demande point de seconds, et que de plus vous en avez de plus que suffisants
dans les personnes de leurs Excellences, Mess. rs les ambassadeurs de Hollande 1) ,
j'ay jugé, qu'il n'estoit pas necessaire que j'allasse vous trouver sans vos ordres
expres, dans l'attente desquels je demeure ..... A Paris, ce 29 Octob. 1661.
5723. De S. t Sauveur 2)
. (H.A.)
C'est avec une joye sans egalle que je viens d'apprendre vostre heureuse arrivée
a Paris. Je prie le grand Dieu qu'il nous veuille bientost honorer de vostre veue en
parfaicte santé en nos quartiers, afin de delivrer les pauvres fidelles sujets de Son
Altesse nostre souverain Prince - a qui Dieu donne longue et heureuse vie - de la
tyrannie de laquelle ils sont oppressez; ils meurent touts les jours de dix mille morts,
car ils sont sujetz a l'azard de leur vie par les frequents assasinats permis et soufferts
pas ceux qui ont l'autorité en ce temps en mains, les dueils et apelz frequens
pratiquez par les officiers du Roy qui sont au chasteau aux gentilhommes de l'estat
contre les edits et deffences du Roy, la poison frequente et familiere contre les plus
fidelles serviteurs de nostre souverain Prince. L'injustice est sans pareille, car si
quelques fidelles serviteurs du Prince ont des proces, ils sont jugez contre tout droit
et la justice, à leur desavantage. Enfin, Monsieur, nous sommes touts en un estat
si pitoyable, que les tormens des damnez sembleroi[en]t estre plus agreable[s] que
la demeure dans l'estat où nous sommes, si l'on ne voyoit y avoir bientost du
solagement et une entiere delivrance; laquelle nous esperons de vostre bonté. J'ay
osé vous faire ces plaintes par la priere que m'ont faite les fidelles sujets de Son
Altesse, qui ont eu comme moy la temerité de croire que vous auriez ceste bonté
de la recevoir, et auriez pitie du rescit que je fais de leurs souffrances, et aggreeriez
leurs services et respects, desquels ils vous asseurent,
1) Zie blz. 363.
2) Kopie. - De schrijver was ‘capitaine de la ville de Courteson’, cen stadje in het vorstendom
Oranje.
Constantijn Huygens, Briefwisseling. Deel 5: 1649-1663