bekijk - digitale bibliotheek voor de Nederlandse letteren

444
5840. Aan C. van Beuningen 1)
. (K.A.)
Je vous talonne de près sur un subject qui me semble en valoir la peine. C'est que
tost apres vostre depart ayant prié le S. r Ockers 2) à disner, je l'instruisis du mieux
que je pus de ce, qu'à mon advis, il pourroit contribuer au service de S.A. durant
son sejour en cette ville, et il me tesmoigna de s'en charger volontiers. Hier, comme
je le rencontray chez M. le comte de Brienne, et fus curieux de sçavoir, s'il s'estoit
souvenu de rendre quelqu'office à S.A. aupres de ces ministres, il print la peine de
me dire, qu'il n'en avoit parlé à personne, parce qu'il n'en avoit point d'ordre, et que
Messieurs les ambassadeurs en partant ne luy en avoyent dit un seul mot, pourquoy
aussi il m'avoit faict dire par mon nepveu Zuerius 3) , que cesdits Seig. rs ambassadeurs
m'avoyent trompé. Or Zuerius ne m'ayant jamais dit ce message, je vous donne à
penser, Monsieur, si ce σϰληρὸς λόγος me surprit, moy qui desjà m'estoy faict tout
blanc de mon espée, et avoy assez relevé aupres des ministres que vous m'aviez
faict la faveur de le laisser icy, en partie pour veoir et leur rapporter la conclusion
finale de l'affaire d'Orange, comme mesme j'ay insisté aupres de Mad. e la Princesse
Douariere, à ce qu'elle voulust se souvenir de vous en faire à tous trois le compliment
qu'elle trouveroit la chose meriter. J'ay donc à vous supplier tres humblement,
Monsieur, de m'expliquer ce paradoxe, et de me dire, si j'ay mal repliqué au S. r
Ockers, qu'il pourroit arriver que Messieurs les ambassadeurs ne se seroyent pas
souvenus de moy, mais que je les connoissoy trop personnages d'honneur, et
mesme trop mes amis, pour m'avoir voulu tromper de guet à pens. Au reste, puisqu'il
se declaroit sans ordre, qu'il voulust ne se mesler de mes affaires, que s'il y avoit
moy d'en venir à bout, j'esperoy que cela pourroit me reuscir sans son assistence.
Cecy vous donnera envie, peut estre, de scavoir ou j'en suis. C'est à peu près où
vous m'avez laissé, tant on se donne carriere à gloser sur le texte d'un testament,
qui touche autant le Roy que le grand Mogol, et parle autant de la religion d'un
gouverneur d'Orange, que de celle de Mahomet. Soyez en le juge, s'il vous plaist.
Voicy une copie de l'article en question; voyez ensuitte si ce n'est une belle raison
de dire, que mettans des gouverneurs de la religion reformée, nous aurions rien
innové en la romaine, qui avons si punctuellement executé ce testament 44 ans de
suitte, que jusques à present on ne cesse de dire la messe au chasteau mesme du
Prince. Car à ce compte là tout est innové et catholique à Breda, depuis que M.
d'Hauterive le gouverne. Je me suis amplement expliqué sur ceste folie en une
audience que j'eus il y a deux jours, et en ay comprins toute la substance en un
petit commentaire arraisonné sur ledit article. Mais cela vous ennuyeroit, comme
fera desjà cette lettre, dont vous ne devez imputer la franchise qu'à celle qu'il vous
a pleu m'accorder de me dire à tousjours ..... A Paris, 15 Juin 1662.
1) Kopie van andere hand.
2) Ockerse was secretaris der Hollandsche gezanten te Parijs.
3) Zie blz. 326.
Constantijn Huygens, Briefwisseling. Deel 5: 1649-1663