bekijk - digitale bibliotheek voor de Nederlandse letteren

59
ains tenez moy comme une personne oubliee, mais si je peux monstrer en effect,
combien je desire de vous rendre des affectueux services, je n'y manqueray
nullement. Je sçay bien que vous ne pouvez avoir à faire de mon peu de service,
aussi vous ne vous souvienirez pas de cest estranger, si non quand vous serez
tellement disocupé que n'aurez autre chose à quoy songer. - Vous m'avez il y a
quelques mois escrit une lettre en consolation de mon indisposition; je vous y
respondray, mais je lairay premierement passer quelque temps, afin que le deuil,
dans lequel vous estes pour ce rare prince qu'avez perdu, se passe un peu, non
qu'il se puisse jamais passer du tout, mais qu'il aye pris quelque relache. Le temps
qui tout guerit, faict des merveilles; il n'y a philosofie ny sagesse qui puisse avec
ses raison[s] les mieux fondees operer comme faict le temps en coulant tout
doucement, en endormant nos corps, nos sens, nos esprits, mesmes nos vies. Je
songe tousjours en cas semblables à ce qu'a dict Theophile 1) , mais je le prends
astheure pour mon dire, comme luy l'a pris de quelque autre qui luy a precedé:
Le temps qui tousjours vire
Se rit de nos ennuis,
Les flesches enpennees
Des siecles revolus
Emportent nos ennees,
Qui ne retournent plus.
Vale et vive, ut vivas. Kope[hague], le 18 de Jan. 1651.
5088. Aan prinses Amalia van Oranje 2)
. (K.A.)*
L'ami 3) vient de me dire, qu'à ce matin la Princesse Royale a envoyé querir les
conseillers de la Cour qui par cy devant avoyent parlé à elle; qu' ensuitte luy et
Crommon 4) et Francken 5) - au lieu de Block 6) , qui estoit commissaire au rolle - et
Nierop 7) , l'estants allé trouver, elle leur avoit dit, qu'ayant sceu que Messieurs de
Hollande avoyent mis entre les mains de la Cour les papiers qui concernoyent la
tutele, elle leur avoit voulu recommander cest affaire, et leur demander si dans les
papiers de l'autre costé on luy disputoit la tutelle pour sa personne. Sur quoy Dedel
ayant respondu, qu'ils avoyent commencé à lire lesdits papiers, et regarderoyent
de plus près à ce qui estoit de leur contenue, Crommon a parlé entre deux, et dit
que, les ayant bien considerez, il n'avoit pas trouvé que la tutele y fust disputée à
S.A.R. le . Sur quoy la Princesse dit que, pour elle, elle se tesmoigneroit portée à tout
ce qui se jugeroit raisonnable et equitable, etc.
Sur ceste entreveuë s'en suivra que, peut estre, encor ceste apresdisnée ils
1) Nl. Théophile de Viau (1590-1626), die behalve gedichten ook het treurspel Pyrame et Thisbé
(1617) heeft uitgegeven.
2) Een paar zinnen uit den brief zijn uitgegeven door Jorissen in Memoires, blz. LXVIII.
3) Nl. Dedel.
4) Zie I, blz. 104.
5) Mr. Sebastiaan Franken was van 1638 tot 3 Dec. 1651 (†) lid van het Hof van Holland.
6) Zie blz. 57.
7) Zie blz. 58.
Constantijn Huygens, Briefwisseling. Deel 5: 1649-1663