bekijk - digitale bibliotheek voor de Nederlandse letteren

499
que Madame la Princesse Douariere a faict donner toute sorte d'asseurance de sa
bonne volonté, et de la justice mesme qui luy seroit rendue sur ces comptes, a osé
les mettre entre les mains d'un officier estranger; et cestuyci en prenant connoissance
sans connoissance, c'est à dire sans ouïr personne du costé de S.A. seule interessée
n'auroit pas faict difficulté de la condamner en une somme de plus de 40000 livres,
et de prescrire cest arrest à des officiers du Prince, dont les ordres et instructions
expresses portent qu'ils ne doibvent se mesler en aucune maniere du faict de ses
domaines.
Je sçay, Monsieur, que ledit thresorier en prenant son recours ailleurs qu'à son
Prince faict semblant d'avoir besoin d'autre protection, pour avoir servi Madame la
Princesse Royale, mais d'un costé la susdite declaration de Mad. e Dame la Princesse
Douariere destruict absolument ce faux pretexte, et faict bien veoir que par ces
destours il ne tasche qu'à faire valoir par surprise aupres du Roy et de Messieurs
ses ministres ce que sa conscience luy dicte assez ne se pouvoir obtenir en justice,
comme il vient de paroistre maintenant, toute la difficulté desdits articles en
controverse ne partant principalement que du soupçon d'une lettre remplie
d'incongruitez visibles sur un blanq seing de sadite Alt. e Royale. De l'autre costé
s'il est question d'honorer la memoire de ceste grande Princesse, et de n'abandonner
pas ceux qui ont affectionné son service, il semble que sans en importuner S.M. té
tres-chrestienne, il est bien raisonnable de s'en reposer sur les soins et les
tendresses du Roy de la Grande Bretaigne, propre frere de la defuncte et tuteur du
Prince son fils; raison que la derniere fois que j'eus l'honneur de vous veoir vous
me tesmoignastes de si bien gouster, que vous me fites la faveur de me promettre
de la rapporter en mes propres termes, comme j'ose m'asseurer que vous aurez la
bonté de vous en souvenir.
J'espere en suitte, Monsieur, qu'apres avoir faict souffrir tout ce que vous sçavez,
et dont les enemis mesmes de la Maison d'Orange ne peuvent comprendre la raison,
en se representans ce qu'elle a tousjours tasché de meriter à l'endroict de la France,
on voudra une fois trouver juste et equitable de laisser S.A. et sa Tutele disposer
de son bien, de sa maison, de ses officiers et de leur administration, sans plus
prester l'oreille à des brouïllons qui ne se soucient pas de veoir oppresser les droicts
et l'autorité de leur Prince naturel, pourven qu'ils puissent trouver leur compte dans
la confusion. Je conclus de ceste sorte avec d'autant plus d'empressement, parce
qu'on me mande que ledit thresorier se voyant frustré de ce qu'il s'estoit proposé
par sesdites menées, auroit bien eu l'audace de menacer ceux qui n'ont pû trouver
ni son procedé bien loyal, ni ses pretensions fondées, de ce qu'il les prendra tous
à partie, appellera de leur arrest au Roy, et pour cest effect se rendra au premier
jour en ceste cour, où encor que je n'apprehende pas qu'il soit ouy en une poursuitte
si extravagante et si inique, je ne puis laisser, Monsieur, de vous faire veoir comme
cela et tout ce que dessus se rapporte à la declaration cy joincte, qu'il y a peu de
jours qu'il me fit insinuer et confirmer icy de bouche avec mille protestations
plausibles par un sien ami resident en ceste ville. En quoy vous remarquerez, s'il
vous plaist, la mesme bonne foy dont il a usé envers Madame la Princesse Douariere,
apres avoir protesté de demeurer fort satisfaict de sa susdite declaration couchée
si expressement en sa faveur.
En me hastant d'achever ceste lettre, que la grande importance du subject
Constantijn Huygens, Briefwisseling. Deel 5: 1649-1663