bekijk - digitale bibliotheek voor de Nederlandse letteren

204
Gallum time; nec sit pudor; leoninum est.
Gallum timere me jubes, et hunc timet
Qui nocte opacis prodiens lustris ferox
Sese recondit hujus ad cantum leo;
Nec hoc pudendum ducis exemplo ferae,
Ad cujus omne trepidat adventum nemus.
Sed Gallus ille, quem timere me mones,
Ὁμώνυμος, qui praevalere caeteris
Civilitate, comitate, moribus
Perquam subactis allaborat gentibus,
Nunquam timendum se Batavis auribus
Credat superbus, arrigat cristas licet
Alisque caedens aërem sylvis canat,
Quod, qui colendi gratia sui metra
Ad Gallicana Belga praebuit stylum,
Non absolutum hoc omnibus fecit modis,
Nec splendide, nec Gallice, quantum est satis.
Quin laudet ipse Celta conatus bonos,
Quin et labanti porrigat manum libens,
Non illum aduncis naribus suspenderit.
Sin et timeri Gallus iste se velit,
Non abnuo, sed acquiesco, si sua
De gente nobis quempiam produxerit,
Quem plus canendo versibus Batavicis
Quam praestitisse dixeris me Gallicis.
........................................ 1)
De tuis, quae apud me haerent, nihil addo; non tractamus ista ἑν τῇ ἑορτῇ τῶν
ἀζύμων. Denuo illa pervolvam propediem et ad te deferri curabo. Vale. VII Id. (7)
Apr. CIƆIƆCLIV.
5346. J. Westerbaen 2)
. (L.B.)
Redeunt tandem aliquando ad te, vir nobilissime, Musae tuae Gallicae, quas et nunc
aegre dimitto. Intactas illas non dixerim - volvi enim illas et revolvi - integras tamen,
nisi quod illarum una, quae equorum casibus aequior est, apud lucernam aliquid
passa est ab illo, quem deus haud mensâ, dea nec dignata cubili est. Furebat in
illam immissis Vulcanus habenis et violasset miseram pudendo e stupâ(?) stupro
Veneris maritus, nisi illam servassem. Rogo autem te, ut aegre non feras, quod tam
lentus fui in his ad te remittendis, et impetrabo hoc facile, si te nosti, neque ignarus
es quae Veneres, quae Circe et incantamenta sunt in hisce Gallicanis carminibus.
Si tua pace fieri hoc potuisset et mihi otium fuisset - est autem hoc, ubi mihi impero
- copiam illarum Agannippidum mihi mea manu fecissem, dum in illâ erant; sed, ne
de vi illis illata postea apud te causa mihi dicenda foret, non fui hoc ausus. Faciam
alias, si ad hoc connivere vis, vir humanissime, ubi ad meas preces haec et quicquid
est de numero a dishuict fesses, que gouverne Maistre Apollon 3) , miserandâ, ita me
dij ament, conditione, in meam veniunt potestatem. Velim enim non diebus, non
septimanis, non tempore circumscribi, sed ut ingressus ad libitum mihi pateat in
1) Dan volgt het gedicht, dat onder den titel: Ad ejusdem Monostichon Gallos time; nec sit pudor;
leoninum est, quo me ab editione versiculorum aliquot Gallicorum deterrebat, afgedrukt is in
Westerbaen's Gedichten, 1657, II, blz. 242.
2) Uitgegeven door J.A. Worp, t.a.p., blz. 257.
3) Zie Huygens' Invective burlesquc ....., vs. 23 (Gedichten, IV, blz. 227).
Constantijn Huygens, Briefwisseling. Deel 5: 1649-1663