bekijk - digitale bibliotheek voor de Nederlandse letteren

110
payer ma fidelité de honte, contre ses propres sentimens, lesquels j'espere n'avoir
jamais tendu là, où bien certes c'eust esté me faire un peu d'injustice de m'animer
tousjours au contraire à persister dans la function que V.A. sçait m'appartenir.
Cependant la presse de cest intervalle si court pour un grand affaire, qui, à mon
advis, n'estoit pas encor si hasté, m'a jetté dans ce prejudice, et V.A. en sa haulte
prudence ne doibt point s'estonner si je m'en cabre, et si je songe encor nuict et
jour à m'en mettre aucunement à couvert. J'advouë qu'apres y avoir employé bien
des veilles, je n'y trouve plus apparent remede que celuy d'un acte de mon prejudice,
tel que celuy qui va cy joinct 1) , lequel et moy et mes enfans et mes amis puissions
opposer, au besoin, à l'insolence de nos malvueillans. Je supplie V.A. de me le
renvoyer signé de sa main, et de s'asseurer qu'il sera menagé aveq discretion.
Encor me sera ce quelque sorte de consolation de veoir, que ce n'est pas tout de
bon que V.A. m'abandonne, comme le monde dira sans cela, puisqu'elle se laisse
induire à parler de moy dans un acte publiq aux termes qu'il plaist à mes enemis
luy prescrire. Que si V.A. trouve à propos de me refuser ce peu de satisfaction, il
sera temps que je prenne mes mesures, comme non appuyé d'aucun des deux
costez, puisque tous deux me maltraictent, et consentent au tort manifeste que l'on
me faict. Ce que je confesse ne pouvoir encor attendre ny imaginer de la bonté que
V.A. m'a tousjours tesmoignée, et de bouche et d'effect. Je luy demande tres
humblement pardon de tant de mauvaise escriture que je luy fay lire pour un subject
si peu important à son service. Le courage outré d'un homme de bien et d'honneur
a grand' peine à moderer ses plaintes. Apres ceste fois je n'en importuneray plus
V.A., mais la justice luy en paroistra plus claire de temps en temps, si l'on continue
à chicaner sur ce bel accommodement - lequel je n'ay pas encor leu - comme l'on
a commencé desjà aujourdhuy, tant en mon regard qu'en celuy du premier et principal
article, touchant l'esgalité des voix, et ce que celle du Prince de Landsberg y doibt
importer, comme les S. rs Moetsfelt et Wijman, qui sont authorisez par V.A. et
Monseigneur l'Electeur, auront soing, je pense, d'en informer V.A. de jour à autre.
Je m'en remets à leur conduicte, et en attendant ce que j'ay osé esperer de la bonté
et justice de V.A. je prie Dieu de tout mon coeur de nous la ramener bientost en
tres-ample et heureuse santé, prevoyant bien, ou plustost, voyant bien, comme je
l'avois preveu, que durant son absence il sera peu effectué icy comme il debvroit.
La copie de ce que V.A. m'a commandé d'escrire à Jermyn 2) est desjà entre les
mains de la Princesse Royale, et a esté alleguée aujourdhuy pour nouveau crime
contre moy par Heenvliet. A la Haye, le 17 e Aoust 1651.
5170. Aan H. Jermyn 3)
. (K.A.)
La response que vous avez prins la peine de faire à ma depesche du premier de
ce mois, m'a esté rendue par main tierce, ouverte, et leuë, si on a voulu 4) . C'est un
procedé qui desoblige ordinairement le monde, mais, au subject que nous traictons,
il m'a tant esté faict de ces petites pieces, et nommement dans l'adresse de vos
lettres, que je suis en habitude de les veoir arriver, et en possession 5) d'en faire peu
de compte. Ceux qui ne font rien dans leurs jardins que ce que Dieu et les hommes
peuvent veoir, ne se mettent point en peine des fenestres de leurs voisins. Ainsi,
1) Het stuk schijnt verloren.
2) No. 5170.
3) Ook in afschrift van andere hand. - Zie No. 5167.
4) Zie No. 5169.
5) Hier is zeker iets uitgevallen.
Constantijn Huygens, Briefwisseling. Deel 5: 1649-1663