bekijk - digitale bibliotheek voor de Nederlandse letteren

313
autre occasion de leur pouvoir ils me tesmoigneroyent le souvenir qui leur restoit
de la bonne volonté que j'avoy tousjours eue et faict paroistre au bien de leur service.
Ce sont gentilshommes, Monsieur, qui m'envoyerent ce message, et c'est ce qui
m'a porté à l'estimer autant faict que dit. Surtout j'ose me promettre que vous ne
l'avez pas authorisé de vostre suffrage qu'en veritable intention d'ayder, aux
occurrences, à m'en faire gouster les effects et, s'il faut tout dire, Monsieur, je ne
pense pas que vous en ayez esté destourné par la preuve de ma constance
tres-entiere au bien de vos interests que j'ay eu soin de vous faire veoir encor depuis
mon pauvre coup failly 1) . Je retourne donc à vous supplier tres-humblement de
vouloir tenir la main à me faire reuscir cestuy-ci, et ceste faveur veritablement me
tiendra lieu d'une obligation eternelle, et pour l'acquit de laquelle je ne cesseray
jamais de prier Dieu de vous continuer ses saintes benedictions, ni de recercher
les occasions où je puisse estre assez heureux pour vous faire connoistre avec
combien de passion j'ay tousjours demeuré et tousjours demeureray ..... 27 Nov.
1658.
5596. Aan den heer van Wimmenum 2)
. (K.A.)
Un bon ange vous a sauvé à ce matin de ma derniere importunité. J'alloy vous
plaider de bouche, sans 3) parler, plus que ne doibt un pere, du sçavoir et capacitez
de mon fils, que j'ose bien mettre en balance contre qui que ce soit de ses
competiteurs. Il y a trois articles sur lesquels je m'avance humblement à fonder sa
poursuitte, bien content de le veoir postposé, si aucun des pretendans en peut
alleguer un seul de la mesme force.
Le premier et, j'avouë, le moins important, est la longue et constante amitié que
j'ay eu l'honneur d'entretenir avec tous Messieurs les nobles et leurs predecesseurs,
et les occasions qu'en suitte j'ay rencontrées et embrassées de leur rendre
tesmoignage de ma tres-humble affection à leur service, en quoy je sçay bien qu'en
particulier la generosité de M. de Wassenaer et de plusieurs autres ne voudra pas
me desadvouër.
Le second est la suitte d'un service de plus de 80 ans, qu'ayeul et oncle et pere
de mon pretendant avons rendu à l'Estat, sans interruption et, graces à Dieu, sans
reproche.
Le troisiesme est la tres-courtoise asseurance qu'apparemment à l'esgard desdites
considerations tout le corps de vostre ordre a daigné me faire donner de sa bonne
volonté envers moy et les miens pour les occasions à venir de nostre contentement
et de leur pouvoir, lorsque mon fils demeura frustré de semblable esperance, et ce
non pas en forme de discours particulier, mais solemnellement par la bouche de
M. le conseiller et pensionnaire de With, qui me semble une honeste sorte d'avantage
dont tout autre qui en auroit esté gratifié, se tiendroit aucunement en droict de se
prevaloir, la chose que je sache estant sans exemple et à d'autant plus forte raison
ne debvant demeurer sans effect.
J'alloy, Monsieur, comme je vien de dire, vous rememorer ces trois articles, pour
quand vous trouveriez à propos de les mettre en oeuvre en ma faveur. Vous ne
sçaurez que la moitié du gré à ce bon ange, de ce qu'il souffre qu'on vous en
persecute encor par escrit. Mais, enfin, un coeur de pere n'a point de retenue en
telles occurrences. C'est toute l'excuse que je suis capable d'en produire, si vous
1) Zie No. 5408.
2) Uitgegeven door Jorissen, t.a.p., blz. 194. - Zie blz. 305.
3) Er staat: que sans
Constantijn Huygens, Briefwisseling. Deel 5: 1649-1663