bekijk - digitale bibliotheek voor de Nederlandse letteren

126
du respect du drossart seroit accomplie, le cours de la justice demeurant en son
entier, la pluralité des voix m'a emporté, et a fallu conclure à la relaxation simple et
absolue, sans aucune caution, le reste demeurant indecis et suspendu, pour cy
apres en estre disposé selon que V. Alt. es jugeront convenir 1) . Par où le drossart
estant mis absolument dans le tort, et le richter - que nous verrons au premier jour
brouïller l'une et l'autre Cour de ses crieries - triomphant sans reserve en ce qu'il a
desiré, je ne voy pas comment cela se peut sans prejudice manifeste du reglement,
et ay dit ouvertement, que si Frederic Henry vivoit, il y donneroit bon ordre, et en
chose si extraordinaire disposeroit de son chef par voyes autant honorables que
droitturieres, sans souffrir qu'on se jouast de ses reglements. Car, ce qui est à noter,
j'ay eu de la peine à empescher qu'au lieu de l'advis qui sera monstré à V.A. l'on
n'ayt formé une espece de sentence interlocutoire, par laquelle il seroit dit, den Raed
doende recht ordonneert etc., parce que l'on a voulu soustenir que V.A. apres avoir
declaré ses intentions à M. Pau 2) et moy, a changé d'advis, et trouvé bon que le
Conseil disposast ainsi, pourveu que premierement Vos Alt. es eussent cognoissance
de ceste sentence. Si ainsi est, je m'en rapporte au bon plaisir de V.A. qui peut
alterer ses sentimens tant qu'il luy plaist, mais pour le contenu de la sentence mesme
ou de l'advis, comme à cest heure on le peut nommer, V.A. pense bien, s'il luy plaist,
si par là ses intentions moderées et pacifiques seront satisfaictes, le reglement
conservé et le respect de l'officier, lequel, pour moy, j'estime ne pouvoir estre jugé
de son enemi capital, mais bien pouvoir faire instruire le proces, pour en estre
ordonné icy selon justice et equité. Beaumont ira seul porter ce papier à V.A. parce
que je m'en suis excusé, sur ce que V.A. venant à nous entretenir sur l'affaire, je
ne sçaurois m'employer à soustenir chose directement contraire à mon sentiment
interieur, et Pau et de Wilhem et moy sommes deputez pour reveoir l'instruction du
Conseil dès les trois heures apresmidy. V.A. pesera le tout en sa haulte prudence;
je pense n'avoir pas failly en suivant les inspirations qu'il luy a fallu m'en departir.
Van Campen m'a prié aujourdhuy que puisque la sale 3) est achevée sans qu'il y
puisse plus rien contribuer, je vueille supplier V.A. d'aggreer le service qu'il luy a
rendu ces cinq années consecutives, et d'en vouloir faire reconnoistre la peine
comme elle trouvera convenir. Je me souviens de ce que desjà V.A. a une fois faict
pour luy, et remets à sa bienvueillance et discretion ce qu'il reste d'y adjouster pour
conclusion. Ce sont choses dont je me mesle peu volontiers, et me semble que
Sherwouters 4) pourroit avoir ordre de sonder un peu le personnage, pour tant mieux
faire deliberer V.A. de ce qui sera de raison. Il dit ne pouvoir plus gueres demeurer
absent d'Amsterdam qu'un jour ou deux. Je n'auray pas l'honneur de veoir V.A.
aujourdhuy, afin que l'on ne se doubte pas de ce que je pourroy avoir agi dans
l'affaire de Linghen 28 Nov. 1651.
1) Er was voortdurend twist tusschen die twee gezaghebbers. In 1651 liep de oneenigheid zoo
hoog, dat de drossaard den rechter gevangen liet nemen en met twee zijner partijgenooten
op het kasteel te Bevergern opsluiten. Het heeft geruimen tijd geduurd, voordat de quaestie
was bijgelegd.
2) Zie II, blz. 24.
3) De Oranjezaal.
4) Zie II, blz. 252.
Constantijn Huygens, Briefwisseling. Deel 5: 1649-1663