bekijk - digitale bibliotheek voor de Nederlandse letteren

111
à mon desavantage, et pour accumulation de nouveau crime, le tout en suitte du
traictement que l'on me faict ces beaux derniers huict mois, sans discerner si je
parle par ordre, ou de mon chef. Vous sçavez ce qu'il y a à dire, et me tenez, j'espere,
assez discret pour considerer mieux que l'on ne veut faire en mon endroict, que
c'est mylord Jermin qui m'escrit, mais que c'est la Reine de la Grande Bretaigne
qui me faict l'honneur de m'informer de ses sentimens par son entremise. En somme,
Monsieur, nous servons, et servons de truchemens, et apres avoir debité fidelement
ce qu'on nous ordonne, n'avons plus que faire d'en respondre. A cest effect vous
avez veu ma credence; la vostre n'a faict que passer par mes mains vers Madame
la Princesse Douariere, qui est à Aix, et peut estre ne manquera pas de quoy justifier
ses soustenues et celles de Monseig. r l'Electeur s'il y eschet. Mais il semble qu'enfin
Dieu a exaucé les bons et nous a voulu consoler d'un succes d'accommodement
provisionnel lequel, si nous sommes sages, pourra coupper broche à la pluspart de
tant de fascheuses contestations. Je prens à bon augure que dans le temps mesme
que vous dites que S.M. continuoit de faire paroistre ses bonnes et sainctes intentions
pour la paix, ceste paix a esté procurée et conclue, madite dame la Princesse ayant
esté contente de l'achepter à ses fraiz, en descendant du hault des avantages que
le dernier arrest du Grand Conseil venoit de luy donner, et en esgalant la condition
des tuteurs paternels aveq celle de S.A.R. le , au mesme niveau que dès le
commencement de nos brouilleries j'ay jugé raisonnable, practicable et necessaire.
Je n'ay que faire de m'en vanter, comme les fols qui ayment tant ce passage
importun: Vous l'avoy-je pas bien dit? Mes escrits en feront foy. Vous les avez veus,
et en les conferant aveq ce que l'on vient de conclurre, jugerez mieux que personne,
si j'ay enseigné le mauvais chemin, et si en le choisissant d'abord, l'on se fust
fourvoyé, veu que l'ayant negligé, au bout de ce meschant compte, nous trouvons
nostre Prince pupille en perte evidente de plus de 80 m. livres irrecouvrables pour
jamais, à ne parler point de la honte des aigreurs qui s'en sont suivies, et de cest
autre plus grand interest que ceste Maison et ce Prince, desjà trop malheureux,
vient de souffrir de nos divisions. Vous diriez, Monsieur, qu'apres une transaction
si conforme à mes ouvertures, l'on debvroit commencer à vouloir un peu moins de
mal à l'auteur et que, si j'ay esté assez malheureux pour n'estre pas compris au
commencement, et de là me veoir insolemment sifflé par ceux qui pour le moins
debvoyent un peu de civilité à mes honestes intentions, le succes de la fin me
mettroit hors de reproche et d'execration. Mais certes, tout au rebours, il semble
que c'est à cest heure mesme que l'on commence à m'en vouloir, comme qui en
embrassant les propositions d'un homme de bien l'envoyeroit pendre pour ses
peines. Voulez vous tout sçavoir? Ce pauvre traicté a failli de tomber à terre pour
l'amour de moy qui vaulx le peu que vous sçavez et ne merite pas d'estre consideré
en de si illustres articles, jusques à ce que Madame la Princesse Douariere, pressée
du depart hasté de Madame l'Electrice sa fille et du desir de faire quelque fin
d'affaires avant que de sortir d'icy, et de la justice de mon interest en ce qu'on
taschoit à outrance d'inserer au contract à mon prejudice, s'est laissé emporter au
destroit de tant de circonstances fascheuses et contradictoires à la bonté de son
naturel, et apres m'avoir faict exhorter - malade que j'estois - à son exemple, de
donner quelque chose à la concorde, pour laquelle j'avois desjà tant contribué, a
accepté quelques passages ambiguz et hors de con-
Constantijn Huygens, Briefwisseling. Deel 5: 1649-1663