Doctoris ecstatici D. Dionysii Cartusiani Opera ... - Boston College

600 LIBER I SENTENTIARUM. — DIST. XLV
nisi Dei voluntas causa prima est sanitatis, segritudinis, praemiorum atque poena-
rum, gratiarum et retributionum. Haec ergo sola est unde ortum est quidquid est
et ipsa non est orta, sed seterna.
F. Quibus modis accipitur Dei voluntas.
Hic non est praetereundum nobis, quod sacra Scriptura de voluntate Dei variis
modis loqui consuevit ; et tamen non est Dei voluntas diversa, sed locutio diversa
est de voluntate, quia nomine voluntatis diversa accipit. Nam voluntas Dei vere
ac proprie dicitur quae in ipso est, et ipsius essentia est; et haec una est, nec
multiplicitatem recipit nec mutabilitatem, quae inexpleta esse non potest. De qua
ps.cxxxiv, Propheta ait : Omnia
itom.re,i9. ejus quis resistet? Et alibi : Ut
'
quaecumque voluit Dominus fecit. Et Apostolus : Voluntati
probetis quse sit voluntas Dei bona et beneplacens
et perfecta. Et haec voluntas recte appellatur beneplacitum Dei sive dispositio.
G. Quod secundum figuram dicitur voluntas Dei pro^ceptio, prohibitio, con-
silium, permissio, operatio ; et ideo pluraliter dicit Scriptura, volun-
tates.
Aliquando vero secundum quamdam figuram dicendi, voluntas Dei vocatur
quod secundum proprietatem non est voluntas ejus : ut praeceptio, prohibitio, con-
silium, necnon permissio et operatio. Ideoque pluraliter aliquando Scriptura volun-
Ps. cx, 2. tates Dei pronuntiat. Uncle Propheta : Magna opera Domini, exquisita in omnes
voluntates ejus. Ouum non sit nisi una voluntas Dei, quae ipse est, pluraliter tamen
dicit voluntates, quia voluntas Dei variis modis ac pro diversis accipitur, ut dictum
est. Ita etiam idem Propheta, propter multos effectus misericordiae et justitiae, plu-
rs lxxxvih, raliter dicit : Misericordias Domini in aeternum cantabo ; et alibi, Justitiae Domini
Ps. xviu, o. rectae, laetificantes corda : quum
tamen in Deo una sit misericordia, una justitia, et
una eademque sit misericordia quae justitia, scilicet divina ouata.
H. Quare pro^ceptio et prohibitio et consilium dicantur Dei voluntas.
Ideo autem praeceptio et prohibitio atque consilium, quum sint tria, dicitur
tamen unumquodque eorum Dei voluntas, quia ista sunt signa divinae voluntatis :
quemadmodum et signa irae dicuntur ira, et dilectionis signa dilectio appellantur.
Et dicitur iratus Deus; et tamen non est ira in eo aliqua, sed signa tantum quae
foris fiunt, quibus iratus ostenditur, ira ipsius nominantur. Et est figura dicendi :
secundum quam non est falsum quod dicitur ; sed verum quod dicitur, sub tropi
nubilo obumbratur. Et secundum hos tropos diversae voluntates Dei dicuntur, quia
diversa sunt illa quae per tropum voluntas Dei dicuntur.
;