O Estado oculto - Repositorio Institucional da USC - Universidade ...

– is utterly devoid of sectional leanings of any kind, and that pluralism in action – as so
persuasively argued by Parsons [...] – is a resource of cumulative potential: honest
discharge of office – and little else is indeed empirically conceivable – earns interest in
public confidence and appreciation, and the dividend thus gained, endows the system of
pluralistic democracy with incremental dimension of reciprocal trust and mutual integrity.
(Newman, 1981, 200-201.)
Este modelo modifícase e, de feito, revitalízase coa incorporación dos
grupos de interese: todos os cidadáns son igualmente libres de asociarse a
calquera grupo, e todos os grupos teñen o mesmo acceso ás fontes do poder e
mais as mesmas posibilidades de éxito.
O conservadorismo burgués do repertorio canónico: unha crítica subversiva 154
Desde unha perspectiva marxista, Laurin-Frenette define a socioloxía
funcionalista como a formulación dos postulados e os principios da ideoloxía
propia do modo de produción capitalista. No funcionalismo, a sociedade posúe
unhas funcións, unhas necesidades ou uns requisitos naturais e universais que
se estabelecen do mesmo xeito que as necesidades e as orientacións dos
actores sociais individuais. Os dous termos da acción social, o individuo e a
sociedade, relaciónanse harmoniosamente porque a sociedade é o medio que
permite a satisfacción das necesidades individuais e a actualización das
calidades individuais, e é, ao tempo, o produto desta actualización dos
individuos. Por exemplo: dado que a necesidade de liderado é propia de certos
individuos, é normal que a dominación política sexa unha función necesaria de
toda interacción social e un atributo de calquera sociedade. Polo tanto, a acción
social non é máis que o medio para acadar a satisfacción e a realización dos
fins inscritos na natureza do individuo. Os postulados subxacentes no
funcionalismo aparecen así como rigorosamente idénticos aos da ideoloxía
burguesa, que procura demostrar a racionalidade universal das relacións
sociais capitalistas, nas que o individuo singular, libre, voluntario e responsábel
dos seus actos vive centrado na procura exclusiva da realización dos seus
talentos, dos seus intereses e das súas vontades. Non hai ningún sistema que
108