O Estado oculto - Repositorio Institucional da USC - Universidade ...

con independencia da súa actitude relixiosa (para empezar, todos os que non
indican a súa disposición a participaren na asignación tributaria a través do
IRPF). 1159 Este apoio orzamentario que recibe a corporación católica das
distintas administracións públicas é claramente discriminatorio respecto das
demais confesións, o que resulta coherente coa tendencia corporatista cara ao
monopolio ou cara ao oligopolio que conduce a que as confesións relixiosas
distintas da católica ocupen unha posición marxinal nos campos político,
relixioso, educativo, etc. 1160 Ao redor dun terzo do orzamento da igrexa católica
son achegas públicas, o que confirma a existencia dun arranxo de tipo
corporatista no campo relixioso en España. 1161
Contra a laicidade: a loita eclesiástica polo control social
O divorcio e o aborto
A regulación do divorcio significou unha derrota da igrexa católica e da súa
aposta estratéxica por erguerse en voceira dos valores morais obxectivos, da
lei moral natural, 1162 do ben común e dos dereitos humanos. A corporación
católica non quixo converter a cuestión do divorcio nun casus belli que puidese
pór en perigo o consenso constitucional, de maneira que se conformou coa
solución de compromiso contida no artigo 32.2 da Constitución, que non
menciona expresamente o divorcio pero si “as causas de separación e
disolución e os seus efectos”. Aínda que calquera regulación legal do divorcio
sería basicamente contraria ás teses eclesiásticas, o sector democratacristián
da UCD negociou oficiosamente coa corporación católica un proxecto de lei
que limitaba moito a posibilidade do divorcio por acordo entre os cónxuxes (é
dicir, o divorcio consensual, sen atribución de culpa). Pero finalmente, a que
sería coñecida como lei Ordóñez, cuxo proxecto foi defendido polo sector
socialdemócrata do Goberno da UCD, provocou a reacción dos sectores
democratacristiáns e da igrexa católica, que entendían que era excesivamente
desestabilizadora para a familia e que o matrimonio é, por dereito natural,
636