O Estado oculto - Repositorio Institucional da USC - Universidade ...

Católica en España, principalmente a la remuneración de los obispos y
sacerdotes”, proviñeron, nos exercicios 1988 a 1993, basicamente do Estado
(entre un 86,2% e un 92,3%, dependendo do ano). 1151
De todos os xeitos, investigar con detalle o complexo sistema de
financiamento privado e público da corporación católica excedería con moito os
límites deste traballo. Mesmo González Bedoya (2005b 1152 e 2006 1153 ), un
xornalista especializado na información relixiosa no xornal El País que lle ten
dedicado un importante esforzo a esta cuestión, atopa grandes dificultades,
aínda que chega a unhas conclusións que nos parecen reveladoras. 1154 Agás
en cinco exercicios orzamentarios (os de 1993, 1994, 1996, 1998 e 1999), a
dotación orzamentaria sempre medrou dun ano para o outro: se en 1980
ascendía a case 46 millóns de euros, en 2006 xa superaba os 150 millóns. 1155
Ademais, as administracións públicas financian con máis de 2.800 millóns de
euros anuais os concertos educativos (subvencións por módulo, nóminas dos
docentes e administración) cos centros privados católicos, e cuns 517 millóns o
profesorado de relixión 1156 . As subvencións públicas destinadas ao patrimonio
inmobiliario e artístico da corporación católica (catedrais, museos, etc.)
ascenden a 200 millóns de euros, mentres as organizacións sociais, os centros
de saúde e de caridade e as capelanías castrenses (en hospitais e nas cadeas)
reciben uns 180 millóns. Finalmente, os moi amplos beneficios fiscais dos que
goza a corporación católica de acordo co previsto nos artigos III a V do acordo
de 1979 1157 supóñenlle á igrexa un aforro que ascende a uns 750 millóns de
euros anuais (até o convenio de 2006, a adquisición de bens inmóbeis e de
obxectos destinados ao culto non estaba suxeita ao pagamento do IVE, o que
podía entrar en conflito coa normativa da Unión Europea sobre harmonización
fiscal). 1158 En total, González Bedoya calcula o financiamento público da igrexa
católica en máis de 5.000 millóns de euros anuais.
Neste modelo de financiamento podemos apreciar con gran nitidez
algúns dos trazos do corporatismo como sistema de intermediación de
intereses que estudamos no capítulo 9. A corporación católica recibe un status
público que lle permite participar na formulación e na implementación das
políticas tributarias e financeiras e controlar así unha parte dos orzamentos das
administracións públicas impóndolles os seus intereses a todos os cidadáns
635