O Estado oculto - Repositorio Institucional da USC - Universidade ...

Power patronage Clientelismo subalterno
• Designación de altos cargos na
administración pública.
• Asignación de funcións directivas nas
empresas públicas ou parapúblicas.
• Adxudicación de obras públicas.
• Outorgamento de concesións.
• Movementos de privatización.
• Etc.
447
• Adxudicación de postos no sector público
ou parapúblico.
• Concesión de subsidios, préstamos,
autorizacións, subvencións e exencións a
empresas ou a particulares.
• Etc.
Determinadas burocracias convertéronse en redes de padroado: a do
partido único, a do sindicato único, a do Instituto Nacional de Previsión
(antecedente do actual Instituto Nacional da Seguridade Social).
... e a igrexa católica como suxeito da relación clientelar co franquismo
Foron sobre todo tres os elementos cos que a igrexa católica española
contribuíu á cimentación da ditadura franquista: (a) a lexitimación ideolóxica do
golpe de Estado de xullo de 1936; (b) a achega de cadros e do groso da base
social; e (c) a organización interna desta clientela, fundamentalmente a través
da ACE. De acordo con Riezu Martínez (1996, 282-289), que seguimos moi de
preto neste apartado, as características da igrexa católica que fixeron posíbel
que esta puidese manter co réxime franquista unha relación clientelar foron (a)
unha ideoloxía favorecedora e utilizábel e (b) unha organización eficaz que
fomentou a estabilidade e a permanencia do réxime.
En relación coa igrexa católica é preciso salientar catro grandes
cuestións, entre as que figura, en primeiro lugar, a infraestrutura. En efecto, o
nacente réxime franquista atopouse cunha infraestrutura político-administrativa
que presentaba numerosos problemas. En esencia, e en contraste coa
eclesiástica, esta infraestrutura era complexa e heteroxénea. Pola contra, a
organización da igrexa católica ofrecía homoxeneidade, minuciosidade,
coordinación e eficacia a través das arquidioceses, das dioceses, das
parroquias, das ordes relixiosas, etc. Esta situación posibilitou o reparto do
poder entre o réxime franquista e a igrexa católica española, que accedeu ás
posicións centrais do campo político a cambio de pór ao dispor da ditadura a