O Estado oculto - Repositorio Institucional da USC - Universidade ...

centros públicos, a porcentaxe baixa até o 68,5% (o 80,6% na educación
infantil, o 80% na primaria, o 49,8% na secundaria obrigatoria e o 36,8% no
bacharelato), nunha evolución globalmente descendente desde o curso 2003-
2004; e (c) nos centros privados católicos, pola contra, a porcentaxe ascende
até o 98,3% (o 99,7% na educación infantil, o 99,2% na primaria, o 97,8% na
secundaria obrigatoria e o 89,3% no bacharelato), dun xeito globalmente
bastante estábel desde o curso 2002-2003. Non se pode negar, polo tanto,
que, como indica Jordán Villacampa (2001, 334), se dá unha “importante
presencia de la enseñanza de la religión y de la enseñanza religiosa en el
sistema educativo español”.
O profesorado da materia de relixión católica 1207
A blindaxe legal da ortodoxia
No artigo III do acordo do 3 de xaneiro de 1979 entre o Estado español e a
Santa Sé sobre ensino e asuntos culturais estabelécese o seguinte:
Nos niveis educativos aos que se refire o artigo anterior [actualmente
educación infantil, primaria, secundaria obrigatoria, bacharelato e ciclos formativos], o
ensino relixioso será impartido polas persoas que, para cada ano escolar, sexan
designadas pola autoridade académica entre aquelas que o Ordinario diocesano
propoña para exercer este ensino. Con antelación suficiente, o Ordinario diocesano
comunicará os nomes dos Profesores e das persoas que sexan consideradas
competentes para o devandito ensino.
Nos Centros públicos de Educación [actualmente infantil], a designación, na
forma antes sinalada, recaerá con preferencia nos profesores de [actualmente
educación primaria] que así o soliciten.
Os Profesores de relixión formarán parte, para todos os efectos, do Claustro de
Profesores dos respectivos Centros.
O que este artigo pretende garantir é (a) converter o bispo no elemento
chave que asegure o control eclesiástico sobre a transmisión correcta da
651