O Estado oculto - Repositorio Institucional da USC - Universidade ...

adaptación e de evolución e, en definitiva, a extraordinaria duración da ditadura
franquista. O primeiro franquismo (1936-1945) –aquel que Morodo, como
veremos neste mesmo capítulo, cualifica de ditadura constituínte– presenta,
respecto das ditaduras italiana e alemá, (a) un alto grao de identificación
(ideoloxía antidemocrática e antimarxista, represión política, partido único,
principio da caudillaxe, concepción centralizada e uniformizadora do Estado,
corporativismo, autarquía económica, etc.) e, ao tempo, (b) diferenzas esencias
(carácter non predominante do sector fascista no seo da alianza
contrarrevolucionaria, baixo nivel de mobilización 605 , caudillaxe entendida como
produto da vontade divina e militar, ideoloxía oficial non fascista, ausencia de
connotacións anárquicas e darwinistas no Estado, etc.). O elemento no que
mellor se reflicten estas diferenzas é a planificación, a longo prazo, do proxecto
franquista, para o que se inventou unha monarquía xa moi afastada do
fascismo. O franquismo estaría “entre los más fascistas de los regímenes que
no lo eran” ou sería “el menos fascista y más «peculiar» de los que lo eran”; 606
sería, polo tanto, unha ditadura fascistizada. 607 Agora veremos como este
modelo da ditadura fascistizada se achega moito aos dos réximes despóticos
de Giner e os seus coautores.
Os réximes absolutistas modernos e os réximes non-democráticos
Giner, Sevilla-Guzmán e Pérez Yruela (1978, 105) tamén apuntan, desde o seu
enfoque conflitivista, a importancia de estudar a controvertida cuestión da
natureza do franquismo (termo que non lles gusta, xa que son “reacios a dar el
nombre de una persona a todo un sistema político”) 608 . Con este propósito,
Giner e Sevilla-Guzmán (1975 e 1980), e de novo Giner (1997 2 ), 609 propoñen
dous modelos distintos: o dos réximes absolutistas e o dos non-
democráticos. 610 Na seguinte táboa tentamos representalos:
373