O Estado oculto - Repositorio Institucional da USC - Universidade ...

administración central. En definitiva, o elemento claramente dominante na
estrutura eclesiástica é o político.
“E eu asegúroche que ti es Pedro” 559 : o papa, un monarca absoluto
A autoridade do papa 560 remóntase directamente até o apóstolo Pedro 561 , de tal
maneira que os católicos consideran que o pontifex maximus é o representante
de Cristo e o titular da suprema maxistratura eclesiástica. 562 O poder da igrexa
católica foi concentrándose no papa nun proceso iniciado no século XI con
Gregorio VII 563 , até o punto de que, hoxe, o papa é o soberano do Estado da
Cidade do Vaticano e reúne na súa persoa os poderes lexislativo, executivo e
xudicial. 564 En ausencia dunha división de poderes, a función lexislativa é
exercida directamente polo papa e a maior parte das demais por delegación, o
que leva varios autores 565 a cualificar o papa de monarca absoluto. A Cidade
de Vaticano dispón de órganos de goberno propios, pero comparte algún (o
propio papa, por exemplo) coa Santa Sé.
Verbo da Santa Sé e da corporación católica en xeral, Souto Paz (1995 3 ,
273) sinala que o papa ten “la supremacía y plena potestad de jurisdicción en la
Iglesia universal, tanto en las cosas de la fe y costumbres como en las que se
refiere a la disciplina y régimen de la Iglesia difundida por todo el orbe. El
Romano Pontífice constituye el órgano constitucional unipersonal, que, además
del primado, tiene atribuida la potestad suprema y universal sobre toda la
Iglesia”. De feito, o papa é o titular dunha monarquía vitalicia electiva que ten
un poder supremo, universal, pleno, inmediato e libre sobre toda a igrexa, así
como xurisdición sobre todas as igrexas particulares, e os seus actos xurídicos
son inatacábeis. É o único órgano unipersoal do organigrama corporativo
católico e goza dun poder absoluto. Melloni (2001, 17-18) subliña que o
mecanismo de elección papal é o único no que se elixe de por vida unha
autoridade absoluta. Para que un home sexa elixido en conclave polos
cardeais 566 ten que ser bispo, ou ser ordenado bispo no momento da
elección. 567 Alcaina (2006, 61-62) salienta que a elección do papa non é
propiamente democrática:
351