O Estado oculto - Repositorio Institucional da USC - Universidade ...

corporacións, por exemplo as igrexas burocratizadas– pertencentes a distintos
campos, organizados en categorías cuantitativamente limitadas, singulares, a
miúdo obrigatorias, relacionadas nun contexto de competencia restrinxida,
xerarquicamente ordenadas e funcionalmente diferenciadas, poñen en xogo a
súa capacidade de mobilización de recursos (económicos, técnicos,
organizativos e ideolóxicos) e son dotados polo Estado dun status público e
dun monopolio representativo que os leva a asumir a corresponsabilidade na
formulación e na implementación de determinadas políticas públicas. O Estado
–coa capacidade de intervención que lle dan os seus recursos coercitivos,
materiais e simbólicos– delega a súa autoridade nas corporacións, o que as
coloca en situación de controlar determinados bens escasos, de impor os seus
intereses e de prestarlles servizos aos seus membros. A cambio deste trato, o
Estado define, regula e mesmo dirixe as actividades das corporacións, sobre
cuxo comportamento pretende influír. O control do Estado sobre as
corporacións esténdese á selección das elites, á modulación das demandas e
mais á escolla dos apoios. Os custos deste proceso son asumidos pola maior
parte da cidadanía, cuxos intereses son ignorados e cuxos representantes
elixidos perden capacidade de influencia.
O repertorio corporatista, como xa indicamos, só aspira a ser útil alí onde
os modelos pluralistas amosan as súas limitacións. Lonxe de pretender explicar
a totalidade dun sistema de dominación política e convencido de que nos
sistemas democráticos conviven os arranxos pluralistas e os corporatistas, o
corporatismo limítase unicamente a describir un determinado modo de
xestionar a intermediación de intereses. Este obxectivo, formulado con tanta
modestia, revela toda a súa importancia nun momento no que as sociedades
complexas gobernadas democraticamente se atopan inmersas nun profundo
proceso de corporatización debido, entre outros factores, ao crecente
intervencionismo estatal, á pugna polos recursos escasos e á necesidade de,
por unha banda, garantir a eficacia da acción gobernamental e mais a
gobernabilidade, e, por outra banda, controlar o número crecente de grupos en
conflito. Este proceso de corporatización implica a formulación e a realización
eficiente de políticas públicas co concurso de corporacións cooptadas. Se os
axentes sociais colaboran para corresponsabilizarse da toma de decisións e da
682