O Estado oculto - Repositorio Institucional da USC - Universidade ...

Estes son os principais puntos tratados neste capítulo:
• A igrexa católica contribúe dun xeito decisivo, co seu modelo da terceira vía,
á conformación teórica do corporativismo histórico.
• Mentres a igrexa católica se concibe a si mesma, non como un grupo de
interese, senón como unha sociedade dotada de órganos xerárquicos e
gobernada polo sucesor de Pedro e polos bispos, nas ciencias sociais é
difícil atopar unha definición operativa da igrexa católica que vaia máis alá
dun vago supraconcepto que abrangue realidades antitéticas ou, como
moito, da idea dun tipo especial de asociación. Porén, todo grupo segue
unha política, é dicir, se dota dunha estrutura de poder que toma un
conxunto de decisións coherentes dirixidas a producir unha determinada
orde.
• De acordo co repertorio corporatista, na igrexa católica os intereses dos
membros son determinados dun xeito decisivo –e, polo tanto, non son
simplemente reflectidos– pola organización centralizada e burocratizada.
• A corporación católica dótase dun dereito positivo, dunha ideoloxía
uniformada, dunha codificación da vida profesional e extraprofesional, dunha
delimitación explícita dos ámbitos competenciais, dunha xerarquización das
funcións e mais dunha racionalización da carreira profesional e da
remuneración.
• A igrexa católica reparte o poder e as tarefas no seu interior entre un núcleo
dirixente –o papa e a Curia–, unha colectividade intermedia –os bispos,
entre outros– e mais un último nivel composto polos fieis.
• A corporación católica pretende ocupar un lugar central nos campos
relixioso e político mediante a exclusión ou a marxinación das corporacións
concorrentes, que ten lugar a través dunha permanente expansión
proselitista e da monopolización dos arranxos corporativos co Estado.
• O Estado, preocupado pola gobernabilidade e a estabilidade política,
pretende controlar a capacidade de resistencia e de oposición política da
igrexa católica, e pode negociar con ela a posibilidade de elaborar decisións
341