O Estado oculto - Repositorio Institucional da USC - Universidade ...

explotacións gandeiras se rexesen polos principios de subsidiariedade, de
solidariedade familiar e de consenso social. Ao Estado atribuíaselle un papel
reducido ao mínimo. Entendíase, con todo, como unha necesidade funcional,
unha forza integradora á que lle correspondía o importante papel de asegurar a
orde social mediante a vixilancia e a facilitación das actividades das
organizacións subsidiarias, que eran as que, dun xeito voluntario e
autorregulado, debían prestar os servizos sociais. A intervención directa do
Estado só se contemplaba para o caso de que o interese nacional ou o equilibrio
social estivesen ameazados por necesidades sociais tales como a imposibilidade
da familia de asegurar o benestar dos seus membros. Aínda que a igrexa
católica non avogaba por políticas sociais redistributivas, igualitarias ou de pleno
emprego, tampouco amparaba as desigualdades extremas ou a inxustiza social
manifesta. 511 En España, Payne (1984, 205-207) observa que, desde o século
XIX, o reformismo católico foi sobre todo corporativista.
O mesocorporatismo
De acordo coa reflexión que fixemos no capítulo anterior sobre a
corporatización xeral, e inspirándonos na proposta de Alemann 512 , dividimos as
corporacións en tres sectores: (a) O Estado: as institucións tales como os
parlamentos, os gobernos, as administracións, as administracións de xustiza,
etc. (b) O mercado: as organizacións de carácter económico tales como as
empresas multinacionais, as grandes empresas, as pequenas e medianas
empresas, etc. (c) As asociacións: a maior parte delas son asociacións sen fin
de lucro e organizacións non gobernamentais. Deste sector formarían parte os
grupos de interese e tamén formas organizativas próximas, tales como os
partidos, as cámaras ou as igrexas. 513
Outra clasificación habitual das estruturas corporativas (de
intermediación de intereses e de implementación de políticas públicas) é a que
distingue entre varios niveis:
335