O Estado oculto - Repositorio Institucional da USC - Universidade ...

elixión dentro do sistema educativo sexa inconstitucional, dado que a lei
fundamental, que non impón a materia de relixión, tampouco a prohíbe. En
definitiva, “el fundamento jurídico de la enseñanza de la religión sólo puede
producirse a través de un posterior desarrollo legislativo”.
Este tecnicismo xurídico utilizado por Contreras Mazarío remítenos á
corporatización das funcións relixiosa e educativa á que xa aludimos supra.
Nós opinamos co autor (Contreras Mazarío, 1992, 183) que non é compatíbel
co principio de laicidade que o Estado asuma entre as súas funcións as
actividades propiamente relixiosas, pero o certo é que esta corporatización da
función pública relixiosa a través da igrexa católica se implementa no artigo II
do acordo do 3 de xaneiro de 1979 sobre ensino e asuntos culturais, onde,
como vimos supra, se produce o recoñecemento xurídico pleno da ensinanza
da materia de relixión católica. De acordo con Contreras Mazarío (1992, 103-
111), esta relixión recoñécese (a) como unha materia “de carácter fundamental
integrante de la escuela misma [...] en pie de igualdad con las demás
asignaturas ordinarias”, e (b) como un dereito subxectivo dos titulares da
educación. Polo tanto, a materia non é obrigatoria para o alumnado, nin
sequera nos centros privados. Contreras Mazarío (1992, 119) conclúe: “el
Estado pone a disposición de las confesiones religiosas para la enseñanza de
la religión no sólo los locales de los centros docentes, sino la propia
organización educativa. Es más, corre con la responsabilidad de la
organización de estas enseñanzas. Lo que tiene sus dificultades de
compatibilización con el principio de laicidad”. Para o autor (Contreras Mazarío,
1992, 160, 168 e 183), o modelo español construíuse sobre dous “postulados
próximos a la confesionalidad”: (a) a integración da relixión entre as materias
ordinarias e (b) o control (e non simplemente a supervisión) do contido da
materia –incluído o material didáctico– exclusivamente por parte da igrexa
católica, sen que as administracións educativas poidan realizar nin sequera
unha actividade de fiscalización sobre unha materia equiparada coas
demais. 1197
Este modelo deu lugar a dous problemas: (a) Que se supón que debe
facer o alumnado que non elixe a materia de relixión? Neste caso caben dúas
solucións: que este alumnado curse ou non curse unha materia alternativa, á
648