O Estado oculto - Repositorio Institucional da USC - Universidade ...

... e Linz
Linz é un científico social enormemente prolífico, cuxa obra, segundo Giner
(1977, 146), non ten parangón no campo da socioloxía política. De feito, e
como apunta Genieys (1994, 79), Linz pode ser considerado un dos pais
fundadores da socioloxía histórica interpretativa 178 , e a súa socioloxía pode ser
etiquetada, de acordo coa proposta de Giner (1977, 145), de “macrosociología
política en la tradición conservadora y funcionalista norteamericana”. 179
Linz chegou á Universidade de Columbia en plena Guerra Fría, cando
Huntington, como víamos supra, estaba a punto de empezar a traballar no
Proxecto Vulcano. Ese é o momento, segundo Jerez Mir (1993, 35), no que a
ciencia política nos Estados Unidos estaba a afirmarse como unha disciplina
autónoma baixo a influencia do behaviouralism, pero tamén é o momento no
que o Goberno estadounidense decidiu dotar dun aparato ideolóxico sólido a
súa política exterior. Con esta finalidade, os politólogos do establishment –entre
os que hai que contar a Huntington e tamén, obxectivamente, a Linz,
mesmamente como un dos máis brillantes–, aproveitando a oferta do campo
politolóxico do momento 180 , dedicáronlle os seus esforzos a construír uns
modelos que apontoasen a identidade colectiva estadounidense como nación
libre e defensora dos dereitos humanos, o que pon de manifesto que o exiguo
capital simbólico acumulado pola ciencia política non lles permite aos seus
produtores culturais ignorar as demandas ou as esixencias dos poderes
temporais 181 . Como puidemos observar no capítulo 1 con Bourdieu, o grao de
autonomía do campo politilóxico verbo da presión exterior é case nulo. 182
Estes son os principais puntos tratados neste capítulo:
• Tras a Segunda Guerra Mundial e durante a Guerra Fría ten lugar un
proceso de grandes cambios a escala internacional. Neste período, o
Goberno estadounidense procura manter a estabilidade xeopolítica,
asegurar a gobernabilidade, canalizar as dinámicas sociais e evitar os
cambios violentos e revolucionarios que poidan desembocar en réximes
119