O Estado oculto - Repositorio Institucional da USC - Universidade ...

avaliación do franquismo non era unívoca: a falta de liberdade, a represión e
mais a desigualdade eran valoradas negativamente, mentres a paz, o
desenvolvemento e o aumento xeral do nivel de vida conducían a unha
interpretación benévola. A liberalización e mais os achegamentos entre a
oposición e os sectores aperturistas do réxime provocaron unha certa
converxencia entre as respectivas e heteroxéneas memorias, que coincidiron
na necesidade de facer compatíbeis a orde, a paz social, a estabilidade e o
benestar coa reconciliación, a renuncia á vinganza 297 e ao rancor, a xustiza, a
liberdade e a democracia. A aprendizaxe histórica conduciu á superación da
percepción dilemática dos valores da paz e da democracia. 298
En esencia (Aguilar Fernández, 1996a, 21-22 e 31), a teoría canónica
parte de que as elites que protagonizaron a transición española acordaron
tacitamente atender o medo dunha parte da cidadanía de que puidesen rexurdir
os “viejos rencores de la guerra” nunca pasados pola peneira dunha política de
reconciliación. 299 A memoria da guerra, en efecto, seguía presente na
sociedade española, pero este feito acabou sendo “el acicate necesario para
facilitar las múltiples negociaciones que fueron precisas en la transición”,
porque
independientemente de quién fuera más responsable de lo ocurrido 300 , de por qué se
desataron las pasiones de tal forma y de cómo se podrían asimilar los acontecimientos
históricos, se opta por alejar y silenciar la historia y por perseguir un único objetivo:
nunca más consentir una nueva contienda fratricida. Y esto por encima de los
sentimientos republicanos de una buena parte de la oposición, de sus anhelos
declarados de ruptura, de la retórica maximalista, del conflicto social y de las ansias de
reforma.
Polo tanto, non se compartía o contido da memoria, pero si a lección que
dela debía extraerse. A prioridade absoluta deste nunca máis –a principal
lección que se obtivo na transición– baseouse sobre un consenso entre as
elites 301 da transición relativo á memoria histórica: “aunque exagarada, la
similitud entre la situación española de los años treinta y la de los setenta a la
muerte de Franco existía, siendo precisamente este símil el que produjo el
miedo a la repetición”. 302 Un elemento esencial deste consenso foi a
reconciliación mediante o esquecemento (Aguilar Fernández, 1996a, 47): “la
194