O Estado oculto - Repositorio Institucional da USC - Universidade ...

Con Gonzalo Puente Ojea puiden comprobar que o autor dunha obra
extraordinariamente erudita e singular en España, que empecei a ler en 1995, é
un interlocutor esixente e apaixonado que logrou estabelecer comigo –malia os
meus (non sempre menores) reparos políticos– un sutil lazo de complicidade
que nunca imaxinara. Recordo con especial cariño unha densa mañá pasada
na súa casa de Madrid, onde Pilar Sarriá, a súa intelixente e encantadora
muller, logrou descolocar por un breve momento, cuns comentarios agudos e
humanos, a todo un embaixador de España.
Cristina Ares Castro-Conde e mais eu desenvolvemos, como
compañeiros do consello de redacción da Revista de Investigaciones Políticas
y Sociológicas (RIPS) –na que ela realiza, con perspicacia e eficiencia, as
tarefas propias do seu posto de vicesecretaria–, unha relación na que se
mesturan, nunha combinación afortunada, o aprecio, a confianza, a
consideración e unha afinidade intelectual que se sitúa por riba das nosas
interesantes discrepancias ideolóxicas. Estou en débeda coa profesora Ares
Castro-Conde polas súas mostras de amizade e polos moi valiosos consellos
que me deu sobre a estrutura deste traballo.
O meu Doktorvater Xosé Luís Barreiro Rivas depositou en min, desde o
primeiro día no que nos coñecemos, unha confianza cuxa xustificación non
cheguei nunca a comprender por completo. Á parte de dirixir este traballo, o
profesor Barreiro Rivas deixou nas miñas mans, como secretario de redacción,
a xestión da RIPS –da que é director executivo–, un valioso proxecto
académico, hoxe plenamente consolidado, dos departamentos de Socioloxía e
de Ciencia Política e da Administración da Universidade de Santiago de
Compostela. Tamén lle debo ao profesor Barreiro Rivas unha experiencia
preciosa, que foi a posibilidade de participar, como secretario do equipo de
dirección, como conferenciante –cun traballo sobre “España entre o
nacionalcatolicismo e o Estado aconfesional”– e como moderador dunha mesa
redonda, no encontro “¿Tiempo de religiones?” dirixido por Juan José Tamayo-
Acosta, organizado pola Universidade Internacional Menéndez Pelayo no marco
dos seus cursos de verán e celebrado en Pontevedra en setembro de 2006.
Noutro lugar 17 deixei constancia da profunda admiración que sinto polo profesor
Barreiro Rivas, que non deixou nunca de regalarme a súa amábel e xenerosa
37