O Estado oculto - Repositorio Institucional da USC - Universidade ...

extrema dereita ou (c) xubilarse directamente ou gozar de sinecuras tras o
desmantelamento de certos ministerios especialmente representativos da
ditadura (esta última foi, de feito, a opción de miles de funcionarios dos grupos
inferiores):
However, a great number of higher civil servants of a new Francoist generation, who
had risen within the Falange or in the inner circles of the Francoist state apparatus,
went to form the UCD (Unión de Centro Democrático), the large conservative party in
power since 1977, itself led by Sr Adolfo Suárez, an ex-Falangist and high dignitary of
Franco’s National Movement. Ideological change and continued enjoyment of political
privilege was thus a smooth, uneventful and swift operation.
O Movimiento, o aparato coercitivo e a administración pública
Deixaremos a aproximación ao persoal da igrexa católica como clase de
servizo do réxime despótico franquista para o final deste capítulo. En canto ás
outras tres, Giner e Sevilla-Guzmán (1975, 92-93) repasan brevemente a súa
importancia comezando polo Movimiento, que estaba formado basicamente
polos cadros falanxistas, carlistas e dos demais grupos políticos artificialmente
unificados polo ditador cando creara a fronte nacionalista (aínda que, na
práctica, non chegaron nunca a integrarse), así como por segmentos leais das
novas xeracións. Os tipos sociais predominantes eran os compoñentes do
bando bélico nacionalista, os burócratas novos con ambicións de ascenso
social e mais os universitarios con aspiracións políticas. Malia a súa
heteroxeneidade social e ideolóxica, o Movimiento excluíu os elementos
obreiro, campesiño e intelectual.
En segundo lugar, e verbo do aparato coercitivo, a importancia
instrumental das forzas policiais residía na súa función de mantemento da orde
pública a través dunha represión que incluía o uso sistemático e selectivo da
tortura. En terceiro e derradeiro lugar, a masa funcionarial constituía o principal
fornecedor dos elementos da elite política. Este sector estaba fortemente
vinculado á igrexa católica e tamén aos profesionais liberais. Neste último caso,
de feito, produciuse unha asignación arbitraria de recursos públicos a través da
409