O Estado oculto - Repositorio Institucional da USC - Universidade ...

obxectivo de non desincentivar a materia confesional.
• O profesorado da materia de relixión católica é contratado polas
administracións educativas durante o curso académico, unha vez cooptado
pola corporación católica en función da súa idoneidade docente e persoal. A
perda da idoneidade, apreciada exclusivamente pola igrexa católica de
acordo co seu xuízo relixioso, supón a non renovación da habilitación anual
para desempeñar un emprego público mediante un contrato laboral.
• No campo relixioso, as confesións distintas da católica están todas
relegadas a posicións marxinais, ao tempo que non poden competir cos
inxentes recursos simbólicos, nomeadamente no ámbito público, dos que
dispón a corporación católica.
• Precisamente no ámbito simbólico, o arranxo corporatista entre o Estado e
a igrexa católica plásmase en múltiples manifestacións particularmente
relevantes, entre as que destacan, por unha banda, a participación masiva e
sistemática das autoridades públicas en cerimonias relixiosas cuxa
importancia social pode ser relacionada co comportamento electoral, e, por
outra banda, na coloración confesional das festividades e dos actos
públicos máis solemnes, que lexitima ante a cidadanía a corporatización da
función pública relixiosa.
• Finalmente, a igrexa católica fracasa no seu intento por evitar que o Estado
regule o divorcio e despenalice parcialmente o aborto, pero consegue que o
Estado, a través da prevención xeral inherente á tipificación penal das
condutas non violentas contra os sentimentos relixiosos, instaure, malia
estar constitucionalmente prohibido, un mecanismo de censura previa.
664