O Estado oculto - Repositorio Institucional da USC - Universidade ...

• Polo tanto, a liberalización non forma parte do proceso de transición política,
porque nin pretende cambiar a natureza do réxime autoritario mediante a
celebración de eleccións nin ten por que desembocar nunha
democratización.
• O autoritarismo liberalizador non é estábel porque abre espazos de
oposición interna que requiren un aumento da represión. De feito, é o seu
fracaso o que abre as portas da democratización.
• O modelo transitolóxico canónico introduce unha variación nos modelos
iniciais do repertorio funcional-pluralista, na medida en que a transición se
analiza como un proceso esencialmente político que non está determinado
pola estrutura socioeconómica. Esta estrutura, con todo, condiciona a
acción dos líderes e pode favorecer un proceso de transición nun contexto
de prosperidade económica.
• A transición política comeza cun suceso dramático que crea a expectativa
de que o goberno será substituído por outro elixido democraticamente.
• A etioloxía da reforma está nunha combinación de factores da que forman
parte o desenvolvemento económico, a complexidade social e mais os
conflitos e os cálculos das elites reformistas gobernamentais, que adquiren
a conciencia de que o réxime político necesita unha lexitimación electoral.
• O proceso de transformación política depende do dominio que exercen os
reformistas liberalizadores no campo político do goberno e os reformistas
democráticos no campo político da oposición. A democratización debe estar
controlada polas elites no poder, que, sendo máis fortes que a oposición,
fixan as regras do xogo, anulan o involucionismo ultraconservador mediante
a creación de divisións internas e ofrecen como única alternativa o retorno
ao réxime autoritario. Á sociedade civil correspóndelle un papel secundario.
• Tras unhas negociacións secretas entre un reducido número de dirixentes,
as elites políticas e sociais reformistas e opositoras moderadas acaban
pactando explicitamente a instauración da democracia e mais preservación
de determinadas institucións políticas e económicas. A transición política
desemboca nun marco constitucional democrático que non afecta as
relacións económicas.
• No modelo minimalista, a consolidación da democracia prodúcese cando,
168