O Estado oculto - Repositorio Institucional da USC - Universidade ...

ideoloxía. A ambigüidade da súa resposta é un testemuño moi elocuente das
dificultades argumentativas coas que aquí se atopa o autor:
[A] ideología católico-social [...] no basta para proporcionar las bases de un sistema
totalitario, dada su naturaleza heterónoma. ¿Cómo puede, en efecto, basar un régimen
su poder en una ideología cuyos únicos intérpretes legítimos quedan en última
instancia, fuera de su control? Dada la distinción entre Iglesia y Estado y el
internacionalismo de la Iglesia, así como la autoridad del Papa, el empleo de una
ideología conservadora católica limita por sí solo toda tendencia monolítica hacia el
totalitarismo. Las dificultades del régimen de Franco frente a las crecientes
reivindicaciones obreras, inspiradas o apoyadas por la Iglesia, se deben en gran parte
a esta heteronomía ideológica. Las posibles interpretaciones divergentes y cambiantes
de la doctrina social-católica introducen por sí solas un poderoso elemento de
pluralismo, en el cual la última decisión doctrinal queda fuera del terreno político.
Linz non responde directamente á pregunta que el mesmo formula, e
que se refire aos réximes autoritarios. Para empezar alude á “ideología
católico-social” –polo tanto, a unha ideoloxía– para negar a posibilidade de que
esta ideoloxía poida “proporcionar las bases de un sistema totalitario”: é dicir,
non menciona os réximes autoritarios. E logo detense nos “intérpretes
legítimos” da ideoloxía “católico-social”, que son alleos ao réxime político
totalitario, co que o monolitismo totalitario sobre a base ideolóxica “católico-
social” sería imposíbel. De novo, Linz evita referirse aos réximes autoritarios.
Sen solución de continuidade, Linz pasa a falar do franquismo para –en
principio– aplicarlle a este réxime autoritario as conclusións ás que chegou
para o caso dos réximes totalitarios. A “doctrina social-católica”, da que non
queda claro se se trata ou non dunha ideoloxía no caso do franquismo (aínda
que Linz faga alusión á súa “heteronomía ideológica”), supón “un poderoso
elemento de pluralismo”, dadas as súas diferentes interpretacións. Polo tanto, e
malia a propia idea de Linz de que o pluralismo limitado é o trazo fundamental
dos réximes autoritarios, queda sen resposta a pregunta de se a “doctrina
social-católica” é ou non a ideoloxía do franquismo. Finalmente, parece que a
“doctrina social-católica” é desposuída do seu carácter político, xa que quen
decide sobre ela “queda fuera del terreno político”. 196
127