O Estado oculto - Repositorio Institucional da USC - Universidade ...

Estes son os principais puntos tratados neste capítulo:
• As democracias experimentan un proceso de corporatización en cuxa cerna
se atopa a loita polo poder e por outros recursos escasos –non só
económicos, senón tamén, v.g., relixiosos– e que se explica, entre outros
factores, pola necesidade de redefinir, filtrar e conter os conflitos, polo
crecente intervencionismo do Estado –resultado da multiplicación das
funcións que asume–, pola influencia da socialdemocracia –que abandona a
loita de clases a prol da defensa dos intereses nacionais–, pola necesidade
de garantir a eficacia da acción de goberno e mais a gobernabilidade –que
nas sociedades complexas pode estar ameazada pola expansión da
actividade estatal e pola multiplicación dos grupos en conflito–, así como
polas novas técnicas de planificación, organización, administración e
control.
• A corporatización do campo político maniféstase na formación e na
realización das políticas públicas mediante o recurso á cooptación das
corporacións. As decisións políticas impleméntanse dun xeito eficiente,
fuxindo da confrontación e atopando un modelo de colaboración no que os
axentes sociais se corresponsabilizan na toma de decisións e na súa posta
en práctica, evitando así a sobrecarga do sistema.
• Se diminúen en número e se especializan, as corporacións deixan de
competir entre elas e ocupan, no campo político, posicións monopolísticas
(sobre todo no caso das corporacións públicas) ou oligopolísticas (sobre
todo no caso das corporacións semipúblicas e privadas).
• O aumento dos arranxos corporatistas implica unha estratéxica
dependencia mutua que se traduce nun intercambio recíproco,
institucionalizado, obrigatorio, regular e estábel de recursos políticos entre o
Estado –que dispón de recursos coercitivos, materiais e simbólicos– e as
corporacións –que dispoñen de recursos económicos, técnicos,
organizativos e ideolóxicos–.
• De feito, a hexemonía corporativa desdebuxa os límites entre os sectores
público e privado e conduce a unha privatización parcial da política. O
317