O Estado oculto - Repositorio Institucional da USC - Universidade ...

igorosa e fiábel, dominada pola ausencia de xuízos de valor e pola
neutralidade ética, que son características de toda ciencia. 90
En definitiva, a Wertfreiheit weberiana, segundo Giner (1997 2 , 19-20),
non é máis que unha plasmación do “venerable precepto que hace avanzar
nuestro conocimiento en todas las disciplinas: sine ira ac studio”. En efecto,
trátase de realizar un acto de disciplina –sen o cal non é posíbel avanzar neste
difícil terreo– que faga compatíbeis a elección do tema de estudo por motivos
parcialmente éticos –xa que nin o científico social, nin o médico, nin o psicólogo
teñen por que situarse con indiferenza fronte á realidade– e mais o
distanciamento emocional, na medida do posíbel, nas análises, nas descricións
e nas investigacións que teñen lugar durante o estudo científico dos asuntos
humanos.
As perspectivas iniciais do científico social –guiadas por orientacións de
valor– non conducen a unha pura atomización das teorías, porque os autores
acaban formando escolas e correntes. En efecto, e malia a diversidade das
experiencias vitais dos científicos, existen determinadas circunstancias comúns
–xeracionais, nacionais, culturais, sociais, etc.– que limitan as tendencias
centrífugas de cada investigador e poden conducir ao desenvolvemento de
estruturas latentes (hexemónicas) 91 , que son aqueles “modos de articulación de
la argumentación sociológica predominantes en cada época” que “no pueden
ser elaboradas sobre la obra de un autor o escuela, sino que son, en sí
mismas, concepciones comunes a una pluralidad de individuos encuadrados en
instituciones, países y ambientes relativamente diversos”. Polo tanto, e nun
momento dado, a discusión sociolóxica móvese sobre unha ou varias
plataformas teóricas. Estas estruturas latentes das ciencias sociais non poden
ser identificadas cos paradigmas das ciencias naturais, que son moito máis
fortes e explícitos. Polo tanto, se queremos utilizar o concepto de paradigma
teremos que lle dar o valor da estrutura latente hexemónica. En definitiva, o
enfoque de Giner “reconoce la existencia a) del pluralismo sociológico, b) de
[...] varios «modelos subyacentes», «paradigmas» [no sentido que acabamos
de ver] o «estructuras latentes», c) de [...] un «paradigma principal» o
«estructura latente hegemónica» en cada período”. 92
71