O Estado oculto - Repositorio Institucional da USC - Universidade ...

A igrexa católica no repertorio transitolóxico canónico
Como xa indicamos ao comezo da primeira parte, imos abordar ao longo deste
traballo un conxunto de 20 cuestións que consideramos particularmente
importantes, de acordo co previsto no punto 8 da introdución. Na primeira parte
estudamos as tres primeiras cuestións. Nos seis capítulos desta segunda parte,
as cuestións son as seguintes:
4. Cales son os trazos básicos do relato canónico da II República Española, da
Guerra Civil e do réxime franquista? Que papel lle corresponde neste relato á
igrexa católica?
5. Que elementos forman parte do repertorio canónico, e como evolucionaron
os seus modelos? Na etioloxía deste relato e do correspondente repertorio
pódense constatar presións desde o campo político?
6. Existe un modelo canónico do réxime franquista? De existir, sufriu algún tipo
de mutación ao longo do tempo?
7. Cales son, nos modelos canónicos, os trazos básicos dos réximes políticos
como o franquista?
8. Como se describen as democratizacións como a española no modelo
transitolóxico canónico? Como empezan, cales son as súas etapas, quen as
controla? Inflúen os gobernos estranxeiros e as organizacións internacionais?
E cando rematan?
9. Concretamente, cales son os elementos fundamentais do modelo
transitolóxico canónico da democratización española?
10. Entre estes elementos atópase o consenso? Se fose así, cal é a súa
funcionalidade?
92