O Estado oculto - Repositorio Institucional da USC - Universidade ...

comunistas.
• O peso económico da superpotencia permítelles aos científicos sociais
norteamericanos ocupar as posicións de dominio no campo da ciencia
política e canonizar os repertorios que inventan.
• É no seo das teorías da modernización –e, concretamente, da investigación
sobre o desenvolvemento, que sostén que non pode haber
desenvolvemento económico sen desenvolvemento político– onde nace o
repertorio funcional-pluralista, cuxos modelos iniciais estudan
fundamentalmente as precondicións obxectivas funcionais da democracia e
mais a posición e o comportamento dos individuos, dos partidos políticos e
dos grupos de interese no campo político.
• Este repertorio invéntase e canonízase por mor da presión do campo
político estadounidense, que precisa contar cun aparato ideolóxico sólido en
política exterior e con modelos transitolóxicos normativos que eviten a
desestabilización e a crise e lles marquen o camiño a seguir aos Estados
inmersos en procesos de cambio político.
• Os elementos constitutivos do repertorio canónico son o funcionalismo e o
pluralismo.
• O funcionalismo lexitima a orde social burguesa, que sería unha solución
racional óptima que depende de que o sistema social poida cumprir as súas
funcións –é dicir, satisfacer as súas necesidades naturais e universais– por
medio de determinadas estruturas –é dicir, institucións e prácticas–.
• O pluralismo responde á necesidade de superar as limitacións prácticas do
modelo político liberal, que ignora os axentes que se interpoñen entre o
cidadán e o Estado. Porén, e aínda que incorpora na súa análise os
partidos políticos e os grupos de interese, non é quen de calibrar
correctamente a centralidade e a institucionalización das corporacións no
campo político.
• Os elementos básicos do pluralismo son o individualismo metodolóxico e o
behaviouralism. Os estudos empíricos céntranse na observación e na
medición do comportamento individual nun mercado político competitivo no
que o Estado adopta unha posición neutral verbo dos intereses en conflito.
• Un modelo básico do repertorio canónico é a distinción entre os réximes
120