O Estado oculto - Repositorio Institucional da USC - Universidade ...

Gimbernat Ordeig (1982, 51-52) recorda como outro cardeal, o primado
de España Marcelo González, foi o encargado, algunhas horas antes da
entronización de Juan Carlos de Borbón, de pronunciar a homilía nas exequias
de Franco. As súas palabras, “encomiosas, sin reticencias, con respecto al
Dictador”, contrastaron dun xeito sensíbel coas de Enrique y Tarancón, xa que
“representaban a una Iglesia que se había sentido cómodamente instalada en
el régimen franquista”. En última instancia, as palabras destes dous cardeais,
que “marcan las dos direcciones dentro de las que se va a mover la Iglesia
española en sus niveles de máxima representación, a partir del inicio de la
transición a la democracia”, poñen de relevo a ambigüidade ideolóxica propia
da igrexa católica, que de seguro pode explicar, en boa medida, a longa e
exitosa historia do poder desta corporación.
A asemblea conxunta de bispos e sacerdotes
Xa vimos neste mesmo capítulo, con Martín Patino, que a asemblea conxunta
de bispos e sacerdotes, celebrada en setembro de 1971 baixo a presidencia de
Enrique y Tarancón, 1035 foi un dos elementos máis destacados da segunda
etapa posconciliar en España. De feito, e como acabamos de constatar, foi un
recurso estratéxico central da corporación católica de cara aos tempos que se
aveciñaban. En palabras de Fernández Fernández (1999, 199), foi “un
fenómeno planificado y conducido por la jerarquía episcopal [...] al servicio del
orden estructural fijado”.
Para explicar a etioloxía desta crucial asemblea é útil coñecer as
mutacións que se estaban a producir entre os cregos. Álvarez Espinosa (2003,
31) sintetiza así a situación:
El colectivo sacerdotal se va convirtiendo en un grave problema para el
régimen franquista a medida que aumenta su compromiso con el pueblo, entendido
como opción social. Los sacerdotes rompen con los grupos dirigentes y se sitúan al
lado de los desfavorecidos, destacando, en sus compromisos sociales con los más
necesitados, su labor de formación y toma de conciencia brindando sus locales
parroquiales para asambleas y encierros obreros. La acción policial franquista se
intensifica a medida que los sacerdotes incrementan su asistencia a reuniones ilegales
589