O Estado oculto - Repositorio Institucional da USC - Universidade ...

497 estaban presentes, 425 votaron a favor do proxecto, 59 en contra e 13
abstivéronse. Soto Carmona (1998, 42) lembra que entre os procuradores que
votaron en contra estaba Guerra Campos, representante da igrexa católica
xunto a Cantero Cuadrado. 800 Así expostos, estes feitos poden causar certa
sorpresa, pero Bastida (1998, 18-19) atópalles unha explicación plausíbel
cando observa que
el objectivo principal de la Ley para la Reforma Política era el de elegir unas Cortes
democráticas para que a posteriori se produjeran los cambios políticos oportunos, [polo
que] la aprobación de dicha ley significó una insólita autoinmolación de las Cortes
franquistas. Conviene recordar, no obstante, que lo inusitado y extraordinario de este
pacífico suicidio se debe más a una observación externa del fenómeno que a la
constatación de la estructura interna del proceso. [Así,] el análisis de la procedencia,
cargos acumulados e intereses económicos de los procuradores franquistas –así como
su previsible inserción en alguno de los futuros partidos más influyentes, cosa que en
efecto ocurrió–, explica con creces las razones para su apoyo al haraquiri institucional.
En el horizonte de esta oscura política no se columbra el propio sacrificio que no venga
acompañado de algún gaje o prebenda, incluida la afortunada reencarnación en una
nueva vida democrática. Teniendo esto presente, la perplejidad cesa.
O 15 de decembro de 1976, a Lei para a reforma política foi sometida a
referendo. Para Morodo (1984, 149-155), a abstención da oposición significou
que esta aceptaba implicitamente a estratexia da reforma pactada, e a
abstención da xerarquía eclesiástica católica evidenciou a súa colaboración no
consenso. 801 A oposición, que pretendía afondar nunha reforma real, non quixo
unirse ao voto negativo da extrema dereita nin tampouco darlle un cheque en
branco ao Goberno de España.
O 77,4 % do censo acudiu ás urnas, e o 94 % dos votantes emitiu un
sufraxio afirmativo. Polo tanto, unha inmensa maioría rexeitou tanto as opcións
aperturistas, continuístas e reaccionarias como as rupturistas e revolucionarias.
Para Morodo, cuxa interpretación difire sensibelmente da de Colomer Calsina
que vimos supra, non houbo unha manipulación da axenda política que deixou
fóra a opción rupturista, senón que a cidadanía rexeitou o franquismo e
amosou a súa vontade de cambio por consenso (ruptura pactada). Bastida
(1998, 21), nun esforzo por atopar unha posición intermedia, entende que co
494