O Estado oculto - Repositorio Institucional da USC - Universidade ...

activaría la comunidad católica en defensa de la Iglesia y su campo de
influencia”.
Para achegarse ao estudo da posición da igrexa católica no réxime
constitucional, Linz (1993, 37) parte do seguinte presuposto: “Decir [...] que la
separación de Iglesia y Estado va con democracia es una simplificación y
describir este modelo de relaciones en estos términos sin más especificación
es erróneo”. Dúas son as razóns nas que se fundamenta esta tese: (a) hai “una
serie de democracias [que] tienen Iglesias «establecidas» o relaciones de
cooperación entre el Estado y la Iglesia”; e (b) hai outras democracias, “como
España en 1931, [que,] invocando este principio [de separación entre o Estado
e a igrexa católica], han legislado profusamente en materia religiosa y han
privado a organizaciones religiosas y a sus miembros de derechos reconocidos
a todos los ciudadanos”.
É posíbel que a igrexa católica vise superadas as súas expectativas
verbo da regulación constitucional das materias do seu interese. De feito, a
Constitución de 1978 é fundamentalmente distinta da de 1931 no que atinxe a
este punto, como pode observarse nos artigos 3, 26 e 27 do texto republicano e
16 da actual norma básica. A Constitución vixente recoñece a liberdade
relixiosa dos individuos e das comunidades, alude a un sentimento relixioso na
sociedade e contén unha formulación a prol da cooperación. O modelo
resultante de relacións entre o Estado e a igrexa católica é de separación
amistosa –ou polo menos non antagónica–, o cal, por unha banda, rompe coa
longa tradición dunha igrexa católica estabelecida, situada nunha posición de
privilexio, mentres, por outra banda, supón un rexeitamento claro dun Estado
laico que trata de relegar a relixión a unha esfera privada e de controlar a súa
influencia e a súa manifestación pública (v.g. no ámbito da educación) 405 . En
definitiva, o modelo español permite a cooperación coa igrexa católica e
recoñécelle ao catolicismo unha posición social especial. 406
256