O Estado oculto - Repositorio Institucional da USC - Universidade ...

importantes diferenzas entre elas, relativas ao seu grao de influencia (derivado
da súa capacidade de acceso aos centros de toma de decisións e de
distribución de recursos, así como da súa posición estratéxica verbo de partes
numerosas da poboación), o que xera novas desigualdades e conflitos ao redor
dos
mecanismos que se supone deben imperar para que los intereses particulares no
primen sobre los generales. Todo ello puede, en definitiva, conducir a una crisis de
legitimidad del sistema de la que ya se habla con cierta insistencia.
[...] En suma, poco se parecen las actuales sociedades capitalistas
desarrolladas al modelo liberal compuesto por ciudadanos libres capaces de realizar
sus intereses sin mediaciones ni interferencias extrañas, junto a un Estado vigilante y
una economía formada por una miríada de centros decisores jugando en un contexto
de competencia perfecta.
A privatización da política e o interese xeral
En realidade, cando as estruturas políticas parademocráticas conteñen e
despolitizan o conflito mediante unha fráxil reconciliación entre os imperativos
funcionais e o que é politicamente factíbel, o que ten lugar é unha privatización
parcial da política. O debate sobre a socioloxía do poder nas democracias
liberais –é dicir, o debate entre os pluralistas, que sosteñen que o poder está
amplamente distribuído entre grupos rivais, e aqueles que defenden que o
poder se concentra nas mans dunha elite ou de varias elites no interior dunha
clase dominante– pode ser iluminado precisamente por unha teoría do
corporatismo na que a representación dos intereses apareza organizada
xerarquicamente nun número limitado de grupos funcionais. 476
En definitiva, a aparición das tendencias corporatistas trae consigo unha
serie de cambios nas democracias liberais que Giner e Pérez Yruela (1988a,
28-33) 477 intentan sistematizar do seguinte xeito: (a) O crecemento das
organizacións e da sociedade organizada: O modelo de acción social
individualista substitúese progresivamente por un modelo de sociedade
organizada, no que aparecen novos centros de poder constituídos por grandes
309