O Estado oculto - Repositorio Institucional da USC - Universidade ...

apoiados por un amplo sector do clero e do pobo diocesano e, sobre todo, por
unha Curia romana que xa empeza a reconducir o espírito do Concilio Vaticano
II, reprimiron os cregos contestatarios mediante a remoción ou o traslado, o cal
explica o número posibelmente importante de sacerdotes secularizados.
Estes son os principais puntos tratados neste capítulo:
• No réxime despótico franquista só é posíbel falar dun pluralismo de clase.
Dada a súa natureza restrinxida ou limitada, o seu único beneficiario –por
cooptación– é o funcionariado integrante dos sectores de servizo que
controlan por delegación o aparato institucional (a administración central, os
organismos autónomos, a administración local, a organización sindical, os
corpos profesionais, etc.) e gozan de privilexios tales como seguridade
laboral, ingresos fixos e atención sanitaria.
• A razón da alternancia das diversas elites franquistas nas posicións centrais
do campo político haina que buscar no dobre propósito de, por unha banda,
contar cos xestores máis convenientes para cada conxuntura interna e
internacional, e, por outra banda, evitar que cada unha das elites acumule
unha cantidade excesiva de recursos, o cal podería desafiar o a posición de
dominio absoluto do ditador.
• Co seu aparato institucional e as súas redes informais de padroado, o
réxime franquista pretende asegurar a súa supervivencia, ofrecerlles aos
grupos hexemónicos plataformas representativas –baixo a tutela do ditador–
, garantir os intereses dos sectores financeiro, económico e terratenente,
gardar os límites do pluralismo de clase, distribuír arbitrariamente os
recursos públicos, lexitimarse socialmente, reproducir a cultura política
dominante, controlar as clases infieis mediante a indución da apatía, da
pasividade e da obediencia políticas –para o que se recorre ao sistema
educativo, así como á oferta censurada para o tempo de lecer–, e manter a
orde pública co uso selectivo da represión política.
• O nacionalismo español adopta a forma da ideoloxía nacionalcatólica, da
que se dota o réxime despótico franquista e cuxos elementos nucleares son,
419