O Estado oculto - Repositorio Institucional da USC - Universidade ...

evidencia de que a laicidade –co seu corolario de privatización da relixión– se consolidaba nas
comunidades políticas occidentais, a igrexa realizara o enorme esforzo de adaptación que foi o
Concilio Vaticano II (Kepel, 1991, 13-14).
1133 Recio Adrados, Uña e Díaz-Salazar Martín, 1990, 19.
Nas recentes Orientaciones morales ante la situación actual de España (Conferencia Episcopal
Española, 2006b, esp. puntos 8 a 19 e 52 a 64), a igrexa católica amosa moi claramente (a) a súa
preocupación polo “desarrollo alarmante del laicismo” e do relativismo moral, así como polo
“intervencionismo injustificado y asfixiante” do Estado nos ámbitos familiares e persoais –
fenómenos que se plasmarían, por exemplo, no cuestionamento do “estudio libre de la religión
católica en los currículos de la escuela pública”, na regulación do matrimonio entre persoas do
mesmo sexo, no “apoyo a la llamada ‘ideología de género’”, na “producción de seres humanos
como material de investigación” e na “inaceptable intromisión del Estado en la educación moral
de los alumnos” a través da materia de educación para a cidadanía e os dereitos humanos–; e
mais (b) o seu propósito pretendidamente desinteresado (“no perseguimos ningún interés
particular”) de ofrecerse, en tanto que “institución capaz de contribuir de manera singular a ese
objetivo tan importante para el bien de las personas y de la sociedad entera que es la recta
educación moral de la juventud”, como subministradora de recursos morais social e
politicamente vinculantes. A propósito deste documento episcopal, e desde unha perspectiva
islámica, Prado (2007) observa: “En la España de principios del siglo XXI nadie, ningún
colectivo medianamente representativo, invoca la Sharia, ni los castigos corporales, pero, en
cambio, sí hay fuerzas poderosas que defienden que todos los ciudadanos sean gobernados
según la moral católica”.
Sobre a materia de educación para a cidadanía e os dereitos humanos, v. Conferencia
Episcopal Española, 2007c, puntos 11 a 13. Dado que o “Estado no puede suplantar a la
sociedad como educador de la conciencia moral”, esta materia lesionaría gravemente “el
derecho originario e inalienable de los padres y de la escuela, en colaboración con ellos, a
elegir la formación moral que deseen para sus hijos”. Neste caso produciuse un fenómeno
perfectamente coherente coa corporatización institucionalizada do campo educativo, na que se
creou un marco estábel de intermediación de intereses mesocorporatista. En efecto, antes de
que, no curso académico 2007-2008, comezase a impartirse a materia de educación para a
cidadanía e os dereitos humanos, o Goberno de España negociou coa Federación Española de
Religiosos de la Enseñanza (FERE, a patronal dos centros privados confesionais) unha
adaptación do contido curricular da materia, que a fixo máis dixeríbel para a doutrina moral da
corporación católica en cuestións tales como o enfoque de xénero, os modelos de familia, o
matrimonio entre persoas do mesmo sexo, a contracepción, o aborto ou a moral sexual. Para
Tamayo-Acosta (2007), de feito, a materia desnaturalizouse e confesionalizouse, xa que “ha
sufrido tal cúmulo de modificaciones que la hacen poco menos que irreconocible”, até o punto
de que agora “los colegios religiosos tienen no ya una, sino dos plataformas de
indoctrinamiento y de reproducción ideológica: la asignatura de Religión confesional [...] y la de
Educación para la Ciudadanía, que puede utilizarse para transmitir creencias religiosas más
que valores cívicos”. En realidade, estamos ante un caso no que se pode apreciar o
funcionamento do segundo circuito de representación funcional ao que nos achegamos no
capítulo 10, que aquí resulta especialmente chocante porque se trata da implementación dunha
previsión legal contida nos artigos 18 e 24 da LOE (Lei orgánica 2/2006, do 3 de maio, de
educación [BOE do 4 de maio]), e desenvolvida no Real decreto 1631/2006, do 29 de
decembro, polo que se estabelecen as ensinanzas mínimas correspondentes á educación
secundaria obrigatoria (BOE do 5 de xaneiro de 2007), que ten carácter básico, e no Decreto
133/2007, do 5 de xullo, polo que se regulan as ensinanzas da educación secundaria
obrigatoria na Comunidade Autónoma de Galiza (DOG do 13 de xullo). Con todo, e unha vez
acadado o obxectivo de negociar parcialmente o contido da materia, a corporación católica non
deixou de tomar outras medidas para forzar a súa desaparición: recursos ante os tribunais,
bloqueo da introdución efectiva da materia nas comunidades autónomas gobernadas polo
Partido Popular e incitación, a través dos medios de comunicación propios e afíns, a que os
pais exerzan o seu suposto dereito de obxección de conciencia. Este exemplo da materia de
educación para a cidadanía permítenos responder a pregunta, que nos facíamos no capítulo
10, sobre o que pasaría se unha corporación se negase a seguir cooperando co Estado.
Demóstrase algo que puidemos ver no mesmo capítulo 10 con Alemann e Heinze (1981, 46-
47) e con Giner e Pérez Yruela (1988a, 28-33): a negativa dunha corporación pode impedir a
implementación dunha política pública.
881