O Estado oculto - Repositorio Institucional da USC - Universidade ...

a encargada de materializar as determinacións conciliares. De feito, e como
observa Sebastián Aguilar (1999, 154-157), un dos grandes obxectivos da
Conferencia Episcopal foi precisamente “la asimilación del Concilio Vaticano II”,
que non resultou ser unha tarefa “nada fácil” por mor da “situación histórica,
cultural, social y política” española. A igrexa católica tiña, entre outras cousas,
que distanciarse das institucións políticas, renunciar ao seu estatuto legal
privilexiado, defender o recoñecemento efectivo da liberdade relixiosa,
estabelecer un diálogo coa vida cultural da sociedade e clarificar e fortalecer os
fundamentos morais da vida pública e das actividades políticas. Ademais, no
contexto da transición a Conferencia Episcopal estaba chamada a ser unha
referencia política para a cidadanía católica, un vehículo de transmisión de
contidos ideolóxicos. Iribarren Rodríguez (1988, 243) repara neste feito:
En tramo tan estrecho como la muerte de Franco y la aprobación de la
Constitución en referéndum, los obispos publicaron no menos de quince documentos
con criterios morales sobre materia política. El episcopado enseñó a los católicos
españoles a dar, en cuanto cristianos, los primeros pasos en democracia: deber de
participar y de votar, libertad en el pluralismo compatible con la fe, defensa de los
valores católicos en el conjunto de los derechos ciudadanos sin privilegios, criterios
sobre matrimonio, sobre violencia, sobre marxismo, sobre regiones y minorías, sobre
partidos y bien común.
A presidencia de Enrique y Tarancón
Tras as dúas primeiras eleccións de cargos (1966 e 1969), e despois de que,
en 1971, os bispos auxiliares adquiriran o dereito de voto, en 1972 foi o cardeal
Enrique y Tarancón quen, como vimos supra, asumiu a presidencia tras unha
fulminante manobra de Paulo VI, momento no que comezou unha nova etapa
das relacións entre o Estado español e a igrexa católica. Ademais, naquel
mesmo ano renováronse case todos os presidentes das comisións e tamén a
secretaría xeral, polo que a comisión permanente quedou moi modificada. Se
as relacións entre o Goberno español e a Santa Sé empeoraran tras a elección
do papa Paulo VI, a nova política de reestruturación da Conferencia Episcopal
Española encamiñada á neutralización dos prelados máis vellos e
583