O Estado oculto - Repositorio Institucional da USC - Universidade ...

dun cambio de réxime, así como do papel que no campo político desenvolven
as corporacións. 171
Os principais autores canónicos: Huntington...
“Hay cabezas aparte, individuos singulares que, en sus poderosísimas mentes,
reconstruyen el mundo, lo prospeccionan, lo interpretan y quieren disponerlo en
su totalidad, lo reordenan y le dan nuevas dimensiones, significados, funciones
y objetivos. Son los «cerebros».” Así comeza Martínez Montávez (2002, 73-74)
a súa irónica reflexión sobre a figura de Samuel P. Huntington, a quen
considera parte dunha selecta “estirpe, y lo digo como comprobación
estrictamente objetiva y sin ninguna intención connotativa ni subliminal”.
Huntington, a quen non poucos autores describen dun xeito certamente
insólito –como “arrogante patricio wasp” (Barnavi, 2006, 25), como
Enkelschüler de Carl Schmitt (Capella, 2003, 18, nota 5) ou como disciplinary
guru (Schmitter, 1997, 28, nota 1), por exemplo–, é un dos referentes máis
importantes da intelligentsia conservadora actual, pero recibe críticas moi
severas desde os máis diversos campos. Así, Halliday (1997) fala da súa visión
premoderna, anticuada e moi conservadora, Garcés (1996, 176) destaca a súa
“concepción elitista temerosa de las consecuencias de la extensión de la
democracia a todos los ciudadanos (las masas)” e Fuentes (2004), a quen non
se lle pode negar a súa capacidade de síntese, cualíficao de “racista
enmascarado”. Vidal-Beneyto (2004, 2007a, 2007b e 2007c) realiza un esforzo
especialmente salientábel entre nós por presentarlle ao gran público a figura de
Huntington, a quen lle recoñece unha posición central no campo intelectual
estadounidense, e que define como “el intelectual para todos los usos
militares” 172 . Huntington pertencería á órbita ideolóxica do integrismo
prooccidental, antiuniversalista e antimulticulturalista, do autoritarismo liberal e
do elitismo social:
Profesor de la Universidad de Harvard, referente imprescindible de los think
tanks teoconservadores como el Institute for American Values, el Hudson Institute, la
Rand Corporation, el American Enterprise Institute, el Hoover Institute y tantos otros;
115