O Estado oculto - Repositorio Institucional da USC - Universidade ...

The good society is still pictured as one in which each individual is rooted and secure in
his life station, where representation is determined by functions and status and not as
the result of mere citizenship, where decision-making is centered in the hands of
corporate, sectoral elites who are harmonized and coordinated into an organic whole,
and where the state exercises firm but benevolent authority over the whole scheme.
(Wiarda, 1973, 229.)
A canalización dos procesos de cambio levouse a cabo por medio da
cooptación das elites, a contención das novas forzas sociais a través da súa
institucionalización (é dicir, a súa conversión en axencias burocratizadas
dependentes do Estado), ou o control das clases medias e baixas mediante o
reparto de beneficios marxinais entre elas e a súa inclusión no aparato
administrativo do sistema estatal. Con todo, no tardofranquismo produciuse un
aumento da conflitividade 785 e o sistema tradicional corporativo sufriu unha
crise de grandes proporcións por mor da aparición de novos intereses que
apelaban a principios alleos ao sistema corporativo, das mutacións que se
produciron no seo do propio sistema, do horizonte de novos valores e principios
organizativos, da exposición do Goberno a esixencias completamente novas,
así como das presións e das influencias exteriores. Xurdiron novas plataformas
de poder –tales como as organizacións de obreiros e de labregos, os partidos
políticos, un sector militar máis profesionalizado ou unha igrexa católica
renovada– ao tempo que se manifestou unha forte presión desde o exterior –
basicamente dos EUA e dunha morea de axencias internacionais–, mentres os
mecanismos tradicionais de adaptación empezaron a fallar e a vella cultura
política ultraconservadora se resistía a desaparecer. Unha filosofía do cambio
foi minando o marco da orde e da estabilidade. As novas ideoloxías, os novos
intereses e as novas formas institucionais, en combinación coas novas
presións desde fóra, supuxeron un desafío sen precedentes ás vellas
institucións estabelecidas. 786
Deste xeito, a mediados dos anos setenta do século XX materializouse o
que Martínez Alier (1988, 300) describe como o paso “de un sistema político
corporativista a un sistema pluralista, parlamentario, precisamente en los años
en que en otros países europeos empezaba un debate científico sobre
483