O Estado oculto - Repositorio Institucional da USC - Universidade ...

consolidada coa celebración das eleccións lexislativas xerais do 28 de
outubro de 1982. O proceso pode dividirse en varios subprocesos ou
etapas: o de liberalización, até as eleccións ás Cortes do 15 de xuño de
1977; o de democratización, que comeza co referendo da Lei para a
reforma política, o 15 de decembro de 1976; o formal de transición, que
abrangue o período de democratización que chega até a entrada en vigor
da Constitución, o 29 de decembro de 1978; e o de consolidación, entre a
entrada en vigor da lei fundamental e o final do proceso real de transición.
• Durante a transición, os gobernantes, inmersos nunha loita pola dominación
do campo político, van modificando as regras vixentes neste período para
permitir o acceso de novos axentes ao campo e definir os recursos
susceptíbeis de seren empregados. Así, durante a liberalización prodúcese
unha expansión dos dereitos individuais e colectivos, o que alimenta as
demandas de democratización. Durante a etapa de democratización, a
axenda política enriquécese co principio da soberanía popular, co
recoñecemento dos dereitos fundamentais e mais coa separación de
poderes. Todos os axentes atópanse nunha situación de debilidade relativa,
o que conduce á necesidade do acordo entre as elites (primeiro entre as
franquistas e despois entre estas e as da oposición democrática), que
descartan o continuísmo, a reforma limitada e a ruptura e optan por unha
metodoloxía consensual reformista (de ruptura pactada) posteriormente
referendada por un voto cidadán atrapado entre as dúas únicas opcións
dispoñíbeis: a continuísta e a reformista. Teñen lugar as primeiras eleccións
ás Cortes, cuxos resultados amosan a preferencia do electorado polas
opcións moderadas.
• O consenso concrétase na lexitimación da institución monárquica, na non
esixencia de responsabilidades políticas ás elites franquistas, no
recoñecemento dos axentes políticos democráticos e mais na fixación
dunha normativa electoral. As primeiras Cortes non son elixidas como
constituíntes, pero cerran o período constituínte aberto tras a aprobación da
Lei para a reforma política mediante un proceso atípico de elaboración
dunha lei fundamental que ten que transcorrer dentro dos límites impostos
pola metodoloxía reformista e polos consensos básicos acadados.
502